Anurag Kashyap | या कारणामुळे अनुराग कश्यप यांना चक्क पत्नीने काढले होते घराबाहेर, म्हणाले दिवस रात्र मी फक्त…

मुंबई : अनुराग कश्यप आणि विवेक अग्नीहोत्री यांच्यामध्ये कायमच सोशल मीडियावर एक वाॅर सुरू असतो. दोघेही एकमेकांवर टीका करतात. यांचा वाद सोशल मीडियावर नेहमीच सुरू असतो. सध्या अनुराग कश्यप (Anurag Kashyap) हे त्यांच्या आगामी प्यार विथ डीजे मोहब्बत या चित्रपटामुळे चर्चेत आहेत. हा चित्रपट उद्या ३ फेब्रुवारी रोजी रिलीज होतोय. चित्रपटाच्या प्रमोशनमध्ये अनुराग कश्यप बिझी आहेत. चित्रपटाचे (Movie) प्रमोशन करताना अनुराग कश्यप आपल्या पर्सनल लाईफविषयी देखील महत्वाची माहिती आपल्या चाहत्यांसोबत शेअर करत आहेत. नुकताच अनुराग कश्यप यांनी मोठा खुलासा करत म्हटले की, मी काही वर्ष डिप्रेशनमध्ये (Depression) होतो आणि मी एका खोलीमध्ये स्वत: ला बंद करत दिवस रात्र फक्त आणि फक्त दारू प्यायचो. इतकेच नाही तर अजूनही काही मोठे खुलासे हे अनुराग कश्यप यांनी केले आहेत.

चित्रपटाच्या प्रमोशनवेळी अनुराग कश्यप म्हणाले की, मी माझ्या आयुष्यात खूप जास्त चढउतार बघितले आहेत. मात्र, माझ्या आयुष्यात एक वेळ अशी आली होती की, मी स्वत: ला एका रूममध्ये कोंडून घेतले होते आणि दिवस रात्र दारू प्यायचो.

यादरम्यान मी डिप्रेशनमध्ये गेलो होतो आणि मला काहीच कळत नव्हते. माझ्या दारू पिण्याच्या सवयीला कंटाळून माझी बायको आरती (एक्स पत्नी) हिने मला लाथ मारून घराच्या बाहेर हाकलून दिले होते.

यावेळी माझी मुलगी आलिया ही फक्त चार वर्षांची होती. खरोखरच हा काळ माझ्यासाठी अत्यंत वाईट होता. एका मागून एक असे तब्बल पाच चित्रपट माझे बाॅक्स आॅफिसवर फ्लाॅप गेले होते. या चित्रपटांनी मला डिप्रेशनचे शिकार बनवले होते.

इतकेच नाही तर यानंतर मला अनेक चित्रपटांमधून काढण्यात आले. पुढे अनुराग कश्यप म्हणाले, यादरम्यान मी सतत रागात असायचो आणि हा माझा राग बाॅलिवूडमधील काही लोकांवर असायचा.

काही दिवसांपूर्वी दोबारा थी हा चित्रपट अनुराग कश्यप यांचा रिलीज झाला. हा चित्रपट ओटीटीवर रिलीज करण्यात आला. या चित्रपटामध्ये तापसी पन्नू ही महत्वाच्या भूमिकेत होती. अनुराग कश्यप कायमचा त्यांच्या विधानांमुळे चर्चेत येतात. आता ही चित्रपटाच्या प्रमोशन वेळी त्यांनी काही धक्कादायक खुलासे केल्याने ते चर्चेत आले आहेत.