‘जेव्हा स्त्री एखादी गोष्ट करते, तेव्हा प्रश्न उपस्थित केलेच जातात…’, घटस्फोटानंतर समंथाने पोस्ट लिहित व्यक्त केल्या भावना!

मुंबई : साऊथची ब्युटी क्वीन समंथा प्रभू आजकाल हेडलाईन्सचा एक भाग बनली आहे. तिने अलीकडेच नागा चैतन्यसोबत तिच्या विभक्त होण्याची बातमी देऊन चाहत्यांना आश्चर्यचकित केले होते. नागा आणि समंथा विभक्त झाल्यानंतर त्यांच्या चाहत्यांचे हृदय तुटले आहे. आता सामंथा सोशल मीडियावर अॅक्टिव्ह आहे आणि तिने एक कानउघडणी करणारी पोस्ट शेअर केली आहे.

समंथा सध्या सोशल मीडियावर खूप सक्रिय आहे. नागापासून विभक्त झाल्यानंतर तिने पहिली पोस्ट शेअर केली आहे. ज्यामध्ये तिने समाजाच्या दुहेरी मानकांवर भाष्य केले आहे.

काय म्हणाली समंथा?

सामंथाने तिच्या इन्स्टाग्राम स्टोरीवर एक पोस्ट शेअर केली आहे. तिने ही पोस्ट गुड मॉर्निंगसह शेअर केली आहे. समंथा यांनी लिहिले की, ‘महिलांशी संबंधित कोणतेही मुद्दे नैतिकदृष्ट्या संशयास्पद मानले जातात, परंतु पुरुषांनी केलेले काम नैतिकदृष्ट्या प्रश्नार्थक नाही. मग आपल्याकडे समाजासारखी मूलभूत नैतिकता नाही.’

पाहा पोस्ट :

फोटो केला शेअर

गुरुवारी समंथाने नागापासून विभक्त झाल्यानंतर तिचा पहिला फोटो शेअर केला आहे. या फोटोमध्ये ती पांढऱ्या रंगाच्या ड्रेसमध्ये दिसत होती आणि तिच्या केसांमध्ये फुले होती. समंथाचा हा फोटो सोशल मीडियावर खूप व्हायरल होत आहे. चाहत्यांना सामंथाची नवीन शैली खूप आवडली आहे.

चाहत्यांकडून पाठिंबा

समंथाची ही पोस्ट चाहत्यांना खूप आवडत आहे. काही तासांत 8 लाखांहून अधिक लोकांनी तिच्या या पोस्टला लाईक केले आहे. चाहते यावर भरभरून कमेंट करत आहेत आणि सांगत आहेत की, ते समंथासोबत आहेत. एका चाहत्याने टिप्पणी केली की, मजबूत रहा सॅमू. आम्ही सदैव तुमच्या सोबत आहोत. त्याचबरोबर काही चाहते तिच्या या लूकचे कौतुक करत आहेत.

सोशल मीडियावर बदलले नाव

नागा चैतन्यपासून विभक्त झाल्यानंतर समंथा हिने पुन्हा एकदा सोशल मीडियावर तिचे नाव बदलले आहे. काही काळापूर्वी तिने तिचे नाव बदलून फक्त ‘एस’ केले पण आता नागापासून विभक्त झाल्यानंतर तिने तिच्या सोशल मीडिया अकाऊंटवर समंथा रुथ प्रभू हे नाव लिहिले आहे.

सोशल मीडियावर देण्यात आली घटस्फोटाची माहिती

सोशल मीडियावर पोस्ट शेअर करून, समंथाने तिच्या आणि नागाच्या विभक्ततेबद्दल चाहत्यांना माहिती दिली. तिने लिहिले की, आमच्या सर्व हितचिंतकांनो, खूप विचारविनिमयानंतर, सॅम आणि मी पती-पत्नी म्हणून आपले मार्ग वेगळे करण्याचा निर्णय घेतला आहे. आम्ही खूप भाग्यवान आहोत की, आमची मैत्री दहा वर्षांपेक्षा जास्त आहे जी आमच्या नात्याचा आधार होती. जी आमच्यामध्ये नेहमीच एक विशेष नाते ठेवेल. आम्ही आमच्या चाहत्यांना, माध्यमांना आणि हितचिंतकांना विनंती करतो की, या कठीण काळात आम्हाला साथ द्या आणि आम्हाला पुढे जाण्यासाठी प्रायव्हसी द्या. आपल्या सहकार्याबद्दल आपले आभार.

हेही वाचा :

Bigg Boss 15 Update : विधी पंड्या करत होती अंघोळ अन् प्रतिकने दरवाज्याचं कुलूप तोडलं! पाहा पुढे काय झालं…

Video | आर्यन खान आणि शाहरुख खानची गळाभेट झाली? जाणून घ्या व्हायरल व्हिडीओ मागचं सत्य…