AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

लॉरेन्स बिश्नोई गँगचा पुन्हा सलमान खानवर हल्ल्याचा कट, पोलिसांची मोठी कारवाई, धक्कादायक माहिती उघड

लॉरेन्स बिश्नोई टोळीने रचलेल्या नव्या कटानुसार, 70 ते 80 जण सलमान खानच्या पनवेल येथील फॉर्म हाऊसची रेकी करत होते. हे सर्व आरोपी सलमान खानच्या कारवर हल्ला करण्याच्या तयारीत होते. याच प्रकरणी मुंबई पोलिसांनी 4 आरोपींना अटक केल्याची माहिती समोर आली होती. यानंतर आणखी एका आरोपीला हरियाणातून अटक करण्यात आली आहे.

लॉरेन्स बिश्नोई गँगचा पुन्हा सलमान खानवर हल्ल्याचा कट, पोलिसांची मोठी कारवाई, धक्कादायक माहिती उघड
लॉरेन्स बिश्नोई गँगचा पुन्हा सलमान खानवर हल्ल्याचा कट, पोलिसांची मोठी कारवाई
Chetan Patil
Chetan Patil | Updated on: Jun 02, 2024 | 8:53 PM
Share

अभिनेता सलमान खान याच्या पाठीमागील लॉरेन्स बिश्नोई टोळीचं शुक्लकाष्ठ काही केल्या कमी होताना दिसत नाही. सलमान खान याच्या मुंबईतील गॅलेक्सी अपार्टमेंटवर गेल्या महिन्यात दोन तरुणांनी गोळीबार केला होता. या घटनेमुळे संपूर्ण देश हादरला होता. खुद्द महाराष्ट्राचे मुख्यमंत्री एकनाथ शिंदे, मनसे अध्यक्ष राज ठाकरे यांच्यासारख्या अनेक दिग्गजांनी या घटनेची गंभीर दखल घेतली होती. तसेच मुंबई पोलीसही या घटनेनंतर जास्त सतर्क झाले आहेत. सलमान खानच्या घरावरील हल्ल्यानंतर पोलिसांनी तपास करत आरोपींना गुजरामधून अटक केली होती. एवढं सगळं होऊनही लॉरेन्स बिश्नोई गँगच्या कुरापत्या काही केल्या संपताना दिसत नाहीय. मीडिया रिपोर्ट्सनुसार, लॉरेन्स बिश्नोई टोळीने सलमान खानच्या विरोधात आणखी एक नवा कट रचला होता. पण हा कट उधळून लावण्यात पोलिसांना मोठं यश आलं आहे.

विशेष म्हणजे या कटात तब्बल 70 ते 80 जणांचा समावेश होता. यावेळी सलमान खान याच्यावर हल्ला करण्यासाठी लॉरेन्स बिश्नोई टोळीने रचलेला कटाचा थेट पाकिस्तानशी संबंध असल्याची माहिती उघड झाली आहे. सलमानवर हल्ला करण्यासाठी थेट पाकिस्तानातून AK-47 मागवण्यात आल्याची माहिती समोर आली आहे. हा धक्कादायक कट समोर आल्यानंतर पोलिसांकडून वेगाने तपास सुरु आहे. या तपासात पोलिसांच्या हाती महत्त्वाची माहिती लागत आहे. विशेष म्हणजे पोलिसांनी सलमान खान विरोधातच्या नव्या कटप्रकरणी लॉरेन्स बिश्नोई गँगच्या आणखी एका आरोपीला अटक केली आहे. याआधी नवी मुंबई पोलिसांनी पनवेल येथून चार आरोपींना अटक केली होती.

पोलिसांनी नेमकं कुणाला केली अटक?

बॉलिवूड अभिनेता सलमान खान याच्या घरावरील गोळीबार प्रकरणी एक मोठी अपडेट समोर आली आहे. नवी मुंबई पोलिसांकडून मिळालेल्या माहितीनुसार, सलमान खानच्या हत्येसाठी लॉरेन्स बिश्नोई टोळीने रचलेल्या नवीन कटप्रकरणी आणखी एका आरोपीला अटक करण्यात आली आहे. नवी मुंबई पोलिसांकडून मिळालेल्या माहितीच्या आधारे हरियाणा पोलिसांनी ही अटक केली आहे. हरियाणा पोलिसांनी दीपक उर्फ ​​जॉनी वाल्मिकी (वय ३०) नावाच्या आरोपीला भिवानी येथून अटक केली आहे.

आरोपींचा नेमका कट काय?

लॉरेन्स बिश्नोई टोळीने रचलेल्या नव्या कटानुसार, 70 ते 80 जण सलमान खानच्या पनवेल येथील फॉर्म हाऊसची रेकी करत होते. हे सर्व आरोपी सलमान खानच्या कारवर हल्ला करण्याच्या तयारीत होते. याच प्रकरणी मुंबई पोलिसांनी 4 आरोपींना अटक केल्याची माहिती समोर आली होती. या आरोपींच्या चौकशीतून धक्कादायक माहिती समोर येत आहे. अटकेतील सर्व चारही आरोपी हे थेट लॉरेन्स बिश्नोईच्या संपर्कात होते. तसेच या आरोपींनी सलमानवर हल्ला करण्यासाठी थेट पाकिस्तानातून AK-47 मागवली होती. धनंजयसिंह तपेसिंह उर्फ अजय कश्यप, गौरव भाटीया उर्फ न्हायी, वस्पी खान उर्फ वसीम चिकना, झिशान खान उर्फ जावेद खान अशी अटक करण्यात आलेल्या आरोपींची नावे होती. आरोपींचा सलमान खानवर हल्ला करुन कन्याकुमारी मार्गाने श्रीलंकेत पळून जाण्याचा प्लॅन होता, अशी देखील माहिती समोर येत आहे. हे चारही आरोपी पनवेलमध्ये वेगवेगळ्या ठिकाणी राहत होती. पोलीस या प्रकरणी सखोल तपास करत आहेत.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत