Aryan Khan | आर्यन खानच्या तपासात अनेक चुका, ‘NCB’ अधिकाऱ्यांवर होणार कारवाई

मुंबई : आर्यन खान ड्रग्ज प्रकरणातील (Drug case) तपासात NCB कडून खूप मोठ्या चुका झाल्याचे आढळले आहे. आता या प्रकरणी NCB च्या अधिकाऱ्यांवर कारवाई होणार असल्याचे सांगितले जातंय. काही अधिकाऱ्यांनी आर्यन खानला (Aryan Khan) वाचवण्यासाठी जाणून बुजून तपास चुकीच्या पध्दतीने केल्याचे सांगितले जातंय. इतकेच नाही तर NCB कडून याचा एक सविस्तर अहवाल देखील तयार करण्यात आला असून यामध्ये त्या अधिकाऱ्यांची नावे देखील आहेत. हा अहवात दिल्लीला पाठवण्यात आलाय. या तपासातील अधिकारी (Officer) अन्य एजन्सीमध्ये गेले असले तरीही त्यांच्यावर कारवाई होणार हे नक्कीच आहे.

विभागीय चौकशीमध्ये काही गडबड जर आढळून आली तर संबंधित अधिकाऱ्यावर कारवाई केली जाणार आहे. इतकेच नाही तर एखाद्या अधिकाऱ्याने चाैकशीदरम्यान गंभीर चूक केली असेल तर त्याला नारळ देत सेवेतून काढून टाकण्याची शिफारस केले जाणार आहे. आर्यन खान ड्रग्ज प्रकरणात NCB च्या दक्षता पथकाला तपासात आठ अधिकाऱ्यांनी गंभीर चुका केल्याचे आढळून आले आहे. आता या अधिकाऱ्यांवर मोठी कारवाई होणार हे जवळपास नक्की आहे.

तपासादरम्यान, पथकाने 65 साक्षीदार तपासले आणि त्यांचे जबाब नोंदवले. या सर्व साक्षीदारांचे जबाब कॅमेऱ्यात रेकॉर्ड करण्यात आले आहेत. मुंबईहून गोव्याला जाणाऱ्या क्रूझवर एनसीबीने 2 ऑक्टोबर 2021 रोजी अचानक छापा टाकला होता. यादरम्यान शाहरुख खानचा मुलगा आर्यन खान अटक करण्यात आली. ड्रग्स केसमध्ये आर्यन खानचे नाव आल्याने अनेकांना मोठा धक्काच बसला होता. शाहरुख खानचा मुलगा आर्यन खान आणि मुलगी सुहाना खान लवकरच बाॅलिवूडमध्ये पदार्पण करणार आहेत.