Ancestral House | दिलीप कुमार-राज कपूर यांचं वडिलोपार्जित घर बनणार म्यूजियम, इतक्या कोटींना संपत्ती विकणार!

मुंबई : बॉलिवूडचे ज्येष्ठ अभिनेते दिलीप कुमार (Dilip Kumar) आणि राज कपूर (Raj Kapoor) यांचे वडिलोपार्जित घर पाकिस्तानात आहेत. त्या घराला आता राष्ट्रीय वारसा म्हणून घोषित करण्यात आले आहे. पाकिस्तानच्या खैबर पख्तूनख्वा सरकारने या खरेदीस मान्यता दिली आहे. खैबर पख्तूनख्वाचे मुख्यमंत्री महमूद खान यांनी त्याला 2.35 कोटी रुपयांच्या खरेदीस औपचारिक मान्यता दिली आहे.(The ancestral home of Dilip Kumar and Raj Kapoor in Pakistan will be museum)

दिलीपकुमार आणि राज कपूर यांच्या वडिलोपार्जित हि हवेली अत्यंत मोठी आहे. या हवेलीला खरेदी केल्यानंतर खैबर पख्तूनख्वाचा पुरातत्व विभाग संग्रहालयात रूपांतरित करणार आहे. पेशावरचे उपायुक्त मोहम्मद अली असगर विभागाच्या अहवालानुसार दिलीपकुमार यांच्या 101 चौरस मीटर घराची किंमत 80.56 लाख रुपये आहे, तर राज कपूर यांचा 151.75 चौरस मीटर घराची किंमत 1.50 कोटी ठरविण्यात आली आहे.

राज कपूरच्या वडिलोपार्जित घराचे नाव कपूर हवेली आहे. हे 1918 आणि 1922 दरम्यान बांधले गेले होते. या हवेलीत राज कपूर आणि त्यांचे काका त्रिलोक कपूर यांचा जन्म झाला आहे. जन्मानंतर काही दिवस त्यांचे काही दिवस या हवेलीतच गेले आहेत. ही हवेली राज कपूरचे आजोबा बश्नेश्वरनाथ कपूर यांनी बनविली होती.  हवेली खवानी बाजाराजवळ आहे. दिलीप कुमार यांचे घरही त्याच परिसरात आहे.

ही हवेलीजवळपास 100 वर्षांहून अधिक जुनी आहे. काही दिवसांपूर्वी दिलीप कुमारने आपल्या वडिलोपार्जित घराचे काही फोटो शेअर केले होते. त्यावेळी त्यांनी आपल्या पाकिस्तानातील चाहत्यांनाचे धन्यवाद मानले होते. माझ्या वडिलोपार्जित घराचे काही फोटो तुम्ही मला पाठवले त्याबद्दल मी तुमचा आभारी आहे.

संबंधित बातम्या : 

Weekend Spl | दीपिका-आलियाने रणथंभोरच्या सुट्टीचा प्लॅन केला? की हा योगायोगच होता?

ड्रग्ज केसमध्ये फसलेल्या अर्जुनसोबत कंगनाची पार्टी, चिडलेल्या प्रेक्षकांची चित्रपटावर बहिष्कार घालण्याची धमकी!

(The ancestral home of Dilip Kumar and Raj Kapoor in Pakistan will be museum)