कलाविश्वाला मोठा धक्का… सलमान खान याच्या जवळच्या व्यक्तीचं निधन

मुंबई : अभिनेता सलमान खान याने अनेक दिग्गज व्यक्तींसोबत काम केलं. सलमान खान, अभिनेत्री राणी मुखर्जी आणि प्रिती झिंटा स्टारर ‘चोरी चोरी चुपके चुपके’ (Chori Chori Chupke Chupke)सिनेमाचे निर्माते नझीम हसन रिझवी यांचं निधन झालं आहे. त्यांच्या निधनाने कलाविश्वाला मोठा धक्का बसला आहे. नझीम हसन रिझवी यांच्या निधनानंतर अनेक सेलिब्रिटी आणि चाहते सोशल मीडियाच्या माध्यमातून त्यांना श्रद्धांजली वाहत आहे. नझीम हसन रिझवी गेल्या अनेक दिवसांपासून रुग्णालयात उपचार घेत होते. पण उपचारादरम्यान त्यांचं निधन झालं आहे. नझीम हसन रिझवी यांच्या निधनानंतर बॉलिवूडचं मोठं नुकसान झालं आहे… असं म्हणायला हरकत नाही. (producer nazim hasan rizvi)

मुंबई येथील एका खासगी रुग्णालयात नझीम हसन रिझवी यांचं निधन झालं आहे. नझीम हसन रिझवी यांच्यावर उत्तर प्रदेश याठिकाणी अंत्यसंस्कार होणार आहेत. नझीम हसन रिझवी यांच्या निधनाने कलाविश्वात हळहळ व्यक्त केली जात आहे. वादग्रस्त व्यक्तीमत्त्व म्हणून देखील नझीम हसन रिझवी यांची ओळख होती. मंगळवारी त्यांचं निधन झाल्याची माहिती मिळाली.

मिळालेल्या माहितीनुसार, कोकिलाबेन धीरूभाई अंबानी रुग्णालयात त्यांच्यावर उपचार सुरु होते. पण नझीम हसन रिझवी यांनी उपचारादरम्यान सोमवारी रात्री अखेरचा श्वास घेतला. सध्या सर्वत्र नझीम हसन रिझवी यांची चर्चा सुरु आहे. नझीम हसन रिझवी यांनी बॉलिवूडमध्ये अनेक वर्ष काम केलं. शिवाय ते वादग्रस्त भूमिकांमुळे देखील चर्चेत आले.

नझीम हसन रिझवी यांनी ‘मजबूर लडकी’ (१९९१), ‘अंगारवादी’ (१९९८), ‘अंडरट्रायल’ (२००७), ‘सीसी,सीसी’ (२००१), ‘हॅलो, हम लल्लन’ यांसारख्या अनेक सिनेमांमध्ये काम केलं. शिवाय ‘बोल रहे है’, ‘अपने बेटे आझीम को’, ‘कसम से कसम से’ आणि ‘लादेन आला रे आला’ यांसारख्या सिनेमांची निर्मिती केली.

नझीम हसन रिझवी यांनी बॉलिवूडच्या अनेक सिनेमांची निर्मिती केली. पण सलमान खान, अभिनेत्री राणी मुखर्जी आणि प्रिती झिंटा स्टारर ‘चोरी चोरी चुपके चुपके’ सिनेमाने चाहत्यांच्या मनात घर केलं. सिनेमात अभिनेता सलमान खान याने पाहुण्या कलाकाराची भूमिका बजावली होती.

प्रेमकथे भोवती फिरणाऱ्या सिनेमाला चाहत्यांकडून प्रचंड प्रेम मिळालं. ‘चोरी चोरी चुपके चुपके’ सिनेमाने बॉक्स ऑफिस देखील तुफान कमाई केली. आजही सिनेमातील गाणी चाहत्यांच्या मनात आहेत. अशात नझीम हसन रिझवी यांच्या निधनानंतर अनेकांना धक्का बसला आहे.