Dhurandhar : ‘धुरंधर अद्याप संपलेला नाही…’, प्रेक्षकांसाठी मोठं सरप्राइज प्लान, कोणी केला मोठा खुलासा?

Dhurandhar : ‘धुरंधर’ आणि ‘धुरंधर 2’ सिनेमाने फक्त चाहत्यांच्या मनावर नाही तर, बॉक्स ऑफिसवर देखील रज्य केलं. सिनेमा प्रदर्शित होऊन काही महिने देखील झाले आहेत, पण आजही ‘धुरंधर’ची असलेली क्रेझ कमी झालेली नाही. सिनेमात अभिनेता रणवीर सिंग याने महत्त्वाची भूमिका साकारली होती, तर दिग्दर्शक आदित्य धर याच्या खांद्यावर दिग्दर्शनाची जबाबदारी होती. सिनेमाची चर्चा अद्यापही सुरु असताना, सिनेमाच्या मेकर्सनी मोठी हिंट दिली आहे. वर्षाच्या शेवटपर्यंत ‘धुरंधर’ संबंधी मोठं सरप्राइज प्रेक्षकांना भेटणार आहे.

नुकताच झालेल्या एका मुलाखतीत जिओ स्टुडिओच्या निर्मात्या ज्योती देशपांडे यांनी मोठा खुलासा केला आहे. त्यांना विचारण्यात आलं, सिनेमा हीट झाल्यानंतर आदित्य धर आता काही काळ आराम करणार आहेत? यावर देशपांडे म्हणाल्या, ‘धुरंधर अद्यापही पूर्णपणे संपलेला नाही… आम्ही या वर्षाच्या शेवटीस प्रेक्षकांसाठी मोठं सरप्राइज घेऊन येणार आहोत, आमच्याकडे काही खास आहे…’, यावेळी ज्योती यांनी अधिक काहीही सांगितलं नाही. त्यांच्या वक्तव्यानंतर सोशल मीडियावर मात्र चर्चांनी मोठा जोर धरला आहे.

अनेक चाहत्यांना वाटतं की निर्माते सिनेमाचे बिहाइंड द सीन्स (BTS) डॉक्यूमेंट्री प्रदर्शित करू शकतात. एका नेटकऱ्याने ‘X’ या सोशल मीडिया प्लॅटफॉर्मवर लिहिलं, “जर धुरंधरची BTS डॉक्यूमेंट्री या वर्षी प्रदर्शित करण्यात आणि त्यानंतर मौर्य ट्रायलॉजीची घोषणा झाली, तर ते एक स्वप्न सत्यात उतरल्यासारखं होईल.”

‘धुरंधर’ सिनेमातील स्टारकास्ट

अभिनेता रणवीर सिंग स्टारर आणि दिग्दर्शक आदित्य धर दिग्दर्शित ‘धुरंधर’ सिनेमा डिसेंबर 2025 रोजी प्रदर्शित झाला. त्यानंतर मार्च 2026 मध्ये ‘धुरंधर 2’ सिनेमा प्रदर्शित झाला. सिनेमात रणवीर याच्यासोबत अक्षय खन्ना, संजय दत्त, अर्जुन रामपाल, आर माधवन आणि सारा अर्जुन यांनी महत्त्वाची भूमिका साकारली होती.

सिनेमाची कथा जसकिरत सिंग रंगी उर्फ ​​हमजा अली मजारी याच्याभोवती फिरते, ज्याला एका दहशतवादी नेटवर्कला संपवण्यासाठी पाकिस्तानच्या ल्यारी भागात पाठवलं जातं या. सिनेमाने बॉक्स ऑफिसवर विक्रमी यश मिळवलं. ‘धुरंधर’ आणि ‘धुरंधर 2’ सिनेमाने फक्त भारतातच नाही तर, परदेशात देखील मोठी कमाई केली. अनेक हीट सिनेमांचे रेकॉर्ड ‘धुरंधर’ सिनेमाने मोडले आहेत.