Urmila Adinath Kothare: आदिनाथ-उर्मिला कोठारेत नेमकं काय बिनसलं? ‘या’ कारणांमुळे होतेय चर्चा

अभिनेता आदिनाथ कोठारे (Adinath Kothare) आणि अभिनेत्री उर्मिला कोठारे (Urmila Kothare).. ही मराठी चित्रपटसृष्टीतील लोकप्रिय जोडी अगदी दृष्ट लागावी अशीच आहे. अनेकदा या दोघांची लव्हस्टोरी चर्चेत आली. सोशल मीडियावर या जोडीचा मोठा चाहतावर्ग असून आदिनाथ किंवा उर्मिलाने एकमेकांसोबत फोटो पोस्ट केले की त्यावर लाइक्स आणि कमेंट्सचा वर्षाव होऊ लागतो. महेश कोठारेंनी त्यांच्या ‘शुभमंगल सावधान’ या चित्रपटासंदर्भात बोलण्यासाठी उर्मिलाला त्यांच्या घरी बोलावलं होतं. तेव्हा आदिनाथ तिला पाहताच क्षणी तिच्या प्रेमात पडला होता. नंतर दोघांमध्ये मैत्री झाली आणि या मैत्रीचं रुपांतर प्रेमात झालं. आदिनाथ आणि उर्मिला यांना जिजा ही मुलगी आहे. जिजाचे फोटो आणि व्हिडीओ दोघंही सोशल मीडियावर शेअर करत असतात. आदिनाथने शेअर केलेल्या जिजाच्या रंजक कथा नेटकऱ्यांना खूप आवडतात. ‘परफेक्ट फॅमिली’ आणि ‘परफेक्ट कपल’ असणाऱ्या या दोघांमध्ये आता काहीतरी बिनसल्याची चर्चा आहे.

का होतेय चर्चा?

गेल्या काही दिवसांपासून आदिनाथ त्याच्या ‘चंद्रमुखी’ या चित्रपटाच्या प्रमोशनमध्ये व्यग्र होता. मात्र त्याच्या या संपूर्ण प्रवासात किंवा चित्रपटाच्या प्रिमिअरला उर्मिला कुठेच पहायला मिळाली नाही. उर्मिलाने सोशल मीडियावरही त्याच्यासाठी किंवा त्याच्या चित्रपटासाठी पोस्ट लिहिली नाही. मात्र दोघांमध्ये काहीतरी बिनसल्याच्या चर्चांमागे फक्त हेच कारण नाही. तर नुकतंच उर्मिलाने तिचा वाढदिवस साजरा केला. या वाढदिवसानिमित्त आदिनाथनेही तिच्यासाठी कोणतीही पोस्ट लिहिली नाही. किंवा वाढदिवसाच्या सेलिब्रेशनचे फोटो, व्हिडीओ समोर आले नाही.

इन्स्टा पोस्ट-

View this post on Instagram

A post shared by Urmilla Kothare (@urmilakothare)

या चर्चांदरम्यान आणखी एक प्रश्न समोर आला आहे, तो म्हणजे उर्मिलाने आदिनाथला इन्स्टाग्रामवर अनफॉलो केलं की काय? उर्मिला फॉलो करत असलेल्यांमध्ये आदिनाथचं नाव मात्र नाही. मात्र आदिनाथ अजूनही तिला इन्स्टाग्रामवर फॉलो करतेय. त्यामुळे उर्मिलाने आदिनाथला अनफॉलो का केलं असेल असाही प्रश्न निर्माण झाला आहे. अद्याप या सर्व चर्चांवर दोघांनी कोणतीही प्रतिक्रिया दिली नाही.