बच्चे कंपनीचा थरकाप उडवणारं नाटक अलबत्या गलबत्याचा सेट चोरीला!
यंदा कोरोनाच्या प्रभावामुळे लॉकडाऊनच्या या काळात सर्व थेटर सहित नाट्यसृष्टी बंद आहे. त्यामुळे ‘अलबत्या गलबत्या या नाटकाचा सेट प्रवीण भोसले यांच्या कोळसा बंदर, काळा चौकी येथील गोडाऊनमध्ये ठेवण्यात आला होता.
मुंबई : गेली 15-16 वर्षे नाट्य सृष्टीला सुपरहिट नाटकं देणारे अव्दैत थिएटरचे निर्माते राहुल मधुकर भंडारे (Rahul Bhandare) यांच्या “अलबत्या गलबत्या” (Albatya Galbatya) या लोकप्रिय नाटकाने अनेक विश्वविक्रम केले. नाटकाच्या कथेसोबतच या नाटकाचे आकर्षण ठरलेला नाटकाचा सेट देखील नाट्य क्षेत्रासहित प्रेक्षकांच्या मनाला खूप भावला होता.
यंदा कोरोनाच्या प्रभावामुळे लॉकडाऊनच्या या काळात सर्व थेटर सहित नाट्यसृष्टी बंद आहे. त्यामुळे ‘अलबत्या गलबत्या या नाटकाचा सेट प्रवीण भोसले यांच्या कोळसा बंदर, काळा चौकी येथील गोडाऊनमध्ये ठेवण्यात आला होता. मात्र तो सेट कोणतीही पूर्वकल्पना न देता सुरेश सावंत यांनी गोडाऊन मालकास खोटे सांगून, गोडाऊन मधून चोरून श्रेयस तळपदे यांच्या OTT प्लॅटफॉर्मच्या ‘भक्षक’ या एकांकिकेच्या शूटसाठी वापण्यात आला, असा आरोप निर्माते राहुल भंडारे यांनी केला आहे.
शासनाचे नियम मोडीत काढले!
महाराष्ट्र भरात नाट्यगृह चालू ठेवण्यास मनाई असताना देखील लॉकडाऊन काळातील शासनाच्या नियमाचे उल्लंघन करत, बेकायदेशीररित्या स्वातंत्र्यवीर सावरकर नाट्यगृह येथे अलबत्याचा गलबत्या नाटकाचा सेट वापरून हे कमर्शिअल शूटिंगसाठी करण्यात आले होते.
साहित्य प्रदर्शित करू नका, अन्यथा…
‘अलबत्या गलबत्या’ या नाटकाशी संबंधित सर्व प्रापर्टी, सेट हे आणि इतर सगळी मालमत्ता अव्दैत थिएटर संस्थेची ‘Intellectual property’ असून, निर्माते राहुल भंडारे यांच्या परवानगीशिवाय वापरली असल्यामुळे ही शूटिंग कुठेही रिलीज करू नये, अन्यथा ‘Intellectual property rights’ अंतर्गत श्रेयस तळपदे आणि सुरेश सावंत यांच्यावर कायदेशीर कारवाई करण्यात येईल, असा अर्ज नाट्य निर्माते राहुल भंडारे यांनी शिवडी पोलीस स्थानकाला दिला आहे.
निर्माते राहुल भंडारे यांचा तक्रार अर्ज शिवडी पोलीस स्थानकत स्वीकारला गेला असून, पोलिसांमार्फत अभिनेते श्रेयस तळपदे याच्यासोबतच सुरेश सावंत यांची चौकशी होणार आहे. तर, सोबतच शासनाने घालून दिलेले लॉकडाऊनचे नियम मोडल्याबाबत देखील त्यांच्यावर कायदेशीर कारवाई करण्यात यावी अशी विनंती देखील, राहुल भंडारे यांनी केली आहे.
(Famous Drama Albatya Galbatya set stolen)
हेही वाचा :
बॉलिवूड पदार्पणापूर्वी ‘या’ व्यक्तीसोबत रिलेशनशिपमध्ये होती सारा आली खान!
‘फुलाला सुगंध मातीचा’ मालिकेचा 300 एपिसोड्सचा टप्पा पूर्ण, प्रोमो शेअर करत मानले प्रेक्षकांचे आभार
नेटकऱ्यांकडून मिस्टर परफेक्शनिस्ट ट्रोल; म्हणाले, ‘ तुम्ही विभक्त झालात मग सोबत कशाला?’
Kajal Aggarwal : काजल अग्रवालनं साजरा केला हरियाली तीजचा सण, पाहा फोटोhttps://t.co/mO9lyc7bT0@MsKajalAggarwal #kajalagarwal #Bollywood
— TV9 Marathi (@TV9Marathi) August 12, 2021
