Gautami Patil झळकणार ‘या’ सिनेमामध्ये; मोठी अपडेट समोर

रवी लवेकर, टीव्ही ९ मराठी प्रतिनिधी : पंढरपूर |    प्रसिद्ध नृत्यांगना गौतमी पाटील (Gautami Patil) कायम सर्वत्र चर्चेत असते. गौतमीचे अनेक व्हिडीओ सोशल मीडियावर व्हायरल होत असतात. नृत्याची आवड जपत गौतमीने सर्वांच्या मनावर राज्य केलं आहे. गौतमी हिला आज कोणत्याही ओळखीची गरज नाही. संपूर्ण महाराष्ट्रात गौतमीच्या चाहत्यांची संख्या फार मोठी आहे. अनेक कार्यक्रमाच्या माध्यमातून आपल्या दमदार डान्स अदांनी चाहत्यांना घायाळ करणारी गौतमी आता रुपेरी पडद्यावर झळकणार आहे. सध्या सर्वत्र फक्त आणि फक्त गौतमी पाटील हिची चर्चा रंगत आहे. शिवाय गौतमी पाटील नव्या सिनेमात दिसणार असल्यामुळे चाहत्यांची उत्सुकता आणखी शिगेला पोहोचली आहे..

गौतमी पाटील लवकरच “घुंगरू एक संघर्ष” सिनेमाच्या माध्यमातून चाहत्यांच्या भेटीला येत आहे. महाराष्ट्रभर आपल्या अदाकारीने तरुणांच्या ह्रुदयात स्थान निर्माण करणारी गौतमी पाटील हिच्या नव्या सिनेमाच्या प्रतीक्षेत आता चाहते आहेत. लोककलावंताच्या जीवनावर आधारित असलेल्या या सिनेमाची कथी रहस्यमय गोष्टी, लव्ह स्टोरी आणि जीवनाचे संघर्ष इत्यादी रंजक गोष्टींभोवती फिरताना दिसत आहे.

“घुंगरू” सिनेमाचं दिग्दर्शन दिग्दर्शक बाबा गायकवाड यांच्या खांद्यावर असून, त्यांनी अनेक नवीन कालाकारांनी संधी दिली आहे. ज्यामुळे ‘घुंगरू’ सिनेमाच्या माध्यमातून नवीन कालाकार चाहत्यांच्या भेटीस येणार आहेत. प्रेक्षकांना खुर्चीला शेवटपर्यंत बांधून ठेवणारा हा सिनेमा असेल…. असं देखील सांगण्यात येत आहे.

“घुंगरू” हा सिनेमाची काम शेवटच्या टप्प्यात असून पुढील महिन्यात सिनेमा प्रेक्षकांच्या भेटीला येणार आहे. सिनेमा लोक कलावंताच्या जीवनातील संघर्षावर असून यामध्ये विविध पैलू दडलेले आहेत. गौतमीचा पहिलाच सिनेमा असल्यामुळे चाहत्यांची उत्सुकता शिगेला पोहोचली आहे.

गौतमी पाटील सोशल मीडियावर देखील कायम सक्रिय असते. तिचे अनेक व्हिडीओ आणि फोटो सोशल मीडियावर व्हायरल होत असतात. गौतमीची एक झलक पाहण्यासाठी चाहत्यांची गर्दी जमलेली असते. आता गौतमी मोठ्या पडद्यावर देखील झळकणार आहे.

प्रसिद्धी झोतात आल्यापासून गौतमी हिने तिच्या खासगी आयुष्याबद्दल देखील अनेक खुलासे केले आहे. आता गौतमी हिच्या आगामी सिनेमाकडे प्रेक्षकांचं लक्ष लागलं आहे.