Govinda : अफेअरच्या चर्चेदरम्यान गोविंदा आणि कोमलचा रोमँटिक अंदाज, अभिनेत्याच्या मिठीत दिसली अभिनेत्री; फोटो व्हायरल

बॉलिवूड अभिनेता गोविंदा त्याच्या वैयक्तिक आयुष्यामुळे सतत चर्चेत असतो. सध्या त्याचं नाव अभिनेत्री कोमल राणीसोबत जोडलं जात आहे. दोघं अनेक प्रसंगी एकत्र दिसले आहेत आणि त्यांच्या कथित अफेअरच्या चर्चाही झाल्या आहेत. तसंच गोविंदा आणि सुनीता एकमेकांना घटस्फोट देणार असल्याच्या चर्चाही झाल्या. डेटिंगच्या अफवांदरम्यान, आता ते एकमेकांच्या मिठीत दिसले आहेत. विशेष म्हणजे, गोविंदा आणि कोमल एका चित्रपटात एकत्र काम करत असून या सिनेमाची पहिली झलक प्रदर्शित झाली आहे.

काही दिवसांपूर्वी, गोविंदानं कोमल राणीसोबत एका पत्रकार परिषदेत बॉलिवूडमध्ये पुनरागमनाची घोषणा केली. त्यानं सांगितलं की, तो दोन चित्रपट घेऊन येत आहे, त्यापैकी एका सिनेमाचं नाव ‘रूपा’ आहे. हा एक स्त्री-केंद्रित चित्रपट असून गोविंदा कोमलच्या विरुद्ध भूमिकेत दिसणार आहे.

कोमल राणीची पोस्ट

कोमल राणीनं नुकतीच ‘रूपा’ चित्रपटाची पहिली झलक सोशल मीडियावर शेअर केली आहे. तिनं तिच्या इन्स्टाग्राम हँडलवरून एक पोस्टर शेअर करत, हा चित्रपट लवकरच थिएटरमध्ये प्रदर्शित होणार असल्याची घोषणा केली. पोस्टरमध्ये गोविंदा आणि कोमल राणी एका रोमँटिक पोजमध्ये दिसत आहेत. दुसऱ्या एका पोस्टमध्येही दोघं रोमँटिक पोजमध्ये दिसत आहेत. गोविंदानं कोमलला कमरेला धरलं आहे आणि दोघंही हसताना दिसत आहेत. गोविंदानं काळी पँट आणि पांढरा कोट घातला आहे, तर कोमलनं निळी साडी नेसली आहे.

View this post on Instagram

A post shared by Komal Rani Swarnkar (@komalraniswarnkarofficial)

गोविंदा ‘रूपा’चा दिग्दर्शक, निर्माता आणि लेखकही आहे

‘रूपा’मध्ये गोविंदा केवळ अभिनेत्री कोमल राणीसोबत मुख्य भूमिकेत दिसणार नाही, तर त्याने एक मोठी जबाबदारीही स्वीकारली आहे. गोविंदा या चित्रपटाचं दिग्दर्शन आणि निर्मितीही करत आहे. त्यानं चित्रपटाची कथाही लिहिली आहे.

गोविंदाचं ७ वर्षांनंतर पुनरागमन

दरम्यान, गोविंदा ७ वर्षांपासून मोठ्या पडद्यापासून दूर होता. त्याचा २०१९ मध्ये प्रदर्शित झालेला शेवटचा चित्रपट, ‘रंगीला राजा’, सपशेल अपयशी ठरला होता. आता तो ‘रूपा’मधून दमदार पुनरागमन करण्याच्या तयारीत आहे.