जगातील सुंदर महिलेचं वयाच्या ९५ व्या वर्षी निधन ; कलाविश्वाला मोठा धक्का

मुंबई : कलाविश्वातून एक वाईट बातमी समोर येत आहे. जगातील सर्वात सुंदर महिला म्हणून ओळख असलेल्या प्रसिद्ध इटालियन अभिनेत्री जीना लोलोब्रिगिडा यांचे निधन झालं आहे. वयाच्या ९५ व्या वर्षी त्यांनी अखेरचा श्वास घेतला. जीना यांना एका सिनेमामुळे जगातील सर्वात सुंदर महिला असल्याचा मान देण्यात आला. जीना लोलोब्रिगिडा यांच्या निधनामुळे हॉलिवूडला मोठा धक्का बसला आहे. जीना यांच्या निधनामुळे कलाविश्वात मोठा धक्का बसला आहे. जीना लोलोब्रिगिडा यांच्या निधनामुळे सेलिब्रिटी आणि राजकीय मंडळी देखील सोशल मीडियाच्या माध्यमातून त्यांना श्रद्धांजली वाहत आहेत.

जीना लोलोब्रिगिडा यांनी १६ जानेवारी २०२३ मध्ये अखेरचा श्वास घेतला. एक काळ असा होता जेव्हा जीना लोलोब्रिगिडा प्रसिद्ध अभिनेत्रींपैकी एक होत्या. आजही त्यांच्या सिनेमांच्या चर्चा चाहत्यांमध्ये रंगतात. जीना लोलोब्रिगिडा यांचा जन्म ४ जुलै १९२७ साली एका फर्निचर कारागिरीच्या घरात झाला.

जीना लोलोब्रिगिडा यांचं तरुणपण युद्धाकाळात गेलं. जीना लोलोब्रिगिडा यांच्या कुटुंबातील कोणीही अभिनय क्षेत्रात नव्हतं. पण जीना लोलोब्रिगिडा यांनी एक अभिनेत्री म्हणून स्वतःच्या करियरची सुरुवात केली. जीना लोलोब्रिगिडा यांनी त्यांच्या करियरची सुरुवात मॉडलिंगपासून केली.

#RIP #GinaLollobrigida (4 July 1927 – 16 January 2023)

#FilmTwitter pic.twitter.com/nQVKge9rdU

— Neville F Chamberlain (@NevilleFChambe1) January 16, 2023

दुसऱ्या विश्व युद्धानंतर जेव्हा इटलीमध्ये सिनेमे साकारण्यात सुरुवात झाली, तेव्हा जीना लोलोब्रिगिडा तुफान चर्चेत आल्या. अभिनय क्षेत्रात जेव्हा जीना लोलोब्रिगिडा यांना अपयशाचा सामना करावा लागला तेव्हा त्यांनी आपल्या करियरची दिशा बदलली.

अभिनेत्री आणि सुंदर महिला म्हणून लोकप्रियता मिळवण्यानंतर जीना लोलोब्रिगिडा यांनी जर्नलिस्ट म्हणून स्वतःची वेगळी ओळख निर्माण केली. या क्षेत्रात देखील जीना लोलोब्रिगिडा यांना यश मिळालं.

जीना लोलोब्रिगिडा यांनी त्यांच्या करियरमध्ये ‘ब्लॅक ईगल’, ‘कम सप्टेंबर’, ‘ट्रेपीज’, ‘अलार्म बेल्स’, ‘बीट द डेविल’, ‘बुओना सेरा’ आणि ‘मॅड अबाउट ओपेरा’ यांसारख्या सिनेमांमध्ये काम केलं. शिवाय त्यांना ‘कम सप्टेंबर’ सिनेमासाठी गोल्डन ग्लोब पुरस्कारने सन्मानित देखील करण्यात आलं.