कंगना राणौतचं बांद्र्यातील घर होतं इतकं आलिशान; आर्थिक अडचणींमुळे विकावं लागलं
बांद्रा येथील बॉलिवूड क्वीन कंगना राणौतचे घर हे फक्त एक घर नव्हते तर तिच्या स्वप्न होतं. पण काही आर्थिक अडचणींमुळे तिला तिचं आलिशान घर विकावं लागलं.
प्रत्येक सेलिब्रिटीसाठी त्याचं घर हे त्याच्या मेहनतीचं प्रतिक असतं. त्या घराला ते अगदी जीवापेक्षा जास्त जपतात. असंच अभिनेत्रीचंही घरं आहे जे तिने मोठ्या कष्टाने विकत घेतलं होतं आणि सजवलं होतं. बांद्रा येथील बॉलिवूड क्वीन कंगना राणौतचे घर हे फक्त एक घर नव्हते तर तिच्या स्वप्न होते. एका मुलाखतीदरम्यान, कंगणाने सांगितले होते की हे घर तिच्यासाठी एक पर्सनल स्पेस होती. इथेच तिने तिच्या प्रसिद्ध चित्रपट ‘इमर्जन्सी’ची पटकथा तयार केली होती. मात्र कंगनाला तिचे स्वप्नातील घर विकावं लागलं. मुलाखतीत कंगनाने याचं कारणही सांगितलं होतं. तिला आर्थिक दबावाचा सामना करावा लागला होता.आणि याच आर्थिक संकटामुळे तिला तिचं हे घर विकावं लागलं. तिचे घर आतुन अतिशय सुंदर आणि आलिशान होतं.
अभिनेत्री कंगना राणौतचे घर आलिशान होते
खरंतर, प्रसिद्ध कंटेंट क्रिएटरने त्याच्या यूट्यूब चॅनलवर कंगना राणौतच्या घराचा व्हिडिओ शेअर केला होता. त्यावेळी अभिनेत्रीने तिचे घर विकले नव्हते. त्याच वेळी, व्हिडिओमध्ये, अभिनेत्री सांगते की एकदा बीएमसीने तिचे घर अर्धवट पाडले होते. कंगना म्हणते, ‘ते वरपासून खालपर्यंत पाडण्यात आले होते, काहीही शिल्लक राहिले नव्हते. त्यानंतर सर्वकाही पुन्हा बांधण्यात आले.’
आतून असे दिसत होते
घराचे आतील भाग अगदी कंगनाच्या व्यक्तिमत्त्वासारखेच होते, साधे पण खूप सुंदर. घरात नैसर्गिक प्रकाश घरात येण्यासाठी विशेष व्यवस्था करण्यात आली होती. याबद्दल बोलताना कंगना म्हणाली, ‘मला बनावट लोकांचा तिरस्कार आहे… मी खूप प्रामाणिक राहिले आहे आणि मला सर्वकाही नैसर्गिक हवे होते. मला असे घर हवे होते जिथून मी बाहेर पाहिल्यावर मला इमारती नव्हे तर झाडे, झाडे आणि हिरवळ दिसेल. येथे भरपूर नैसर्गिक प्रकाश येतो, जमिनीवर बसण्याची व्यवस्थाही करण्यात आली आहे, प्रत्येक कोपऱ्यात हिरवळ जाणवते आणि म्हणूनच हे घर माझ्या हृदयाच्या खूप जवळ आहे.’
व्हिडिओमध्ये कंगनाने तिचा एडिट रूम आणि ऑफिस देखील दाखवलं. जिथे प्रत्येक गोष्टीत अभिनेत्रीची पसंती स्पष्टपणे दिसून येत होती. मात्र एका आर्थिक अडचणींमुळे कंगनाला तिचे हे घर विकावे लागले. त्याचे दु:ख आजही तिच्या मनात असल्याचं ती म्हणते.
