‘नालायक पिक्चर्स बघतोच आपण..’, ‘नाळ 2’बद्दल महेश मांजरेकरांची पोस्ट चर्चेत

नाळ 2 या चित्रपटात श्रीनिवास पोकळे, त्रिशा ठोसर यांच्यासोबतच भार्गव जगताप, नागराज मंजुळे, देविका दफ्तरदार, दीप्ती देवी आणि जितेंद्र जोशी यांच्या प्रमुख भूमिका आहेत. 10 नोव्हेंबर रोजी धनत्रयोदशीच्या मुहूर्तावर ‘नाळ’चा दुसरा भाग प्रेक्षकांच्या भेटीला आला.

'नालायक पिक्चर्स बघतोच आपण..', 'नाळ 2'बद्दल महेश मांजरेकरांची पोस्ट चर्चेत
महेश मांजरेकरांच्या पोस्टने वेधलं नेटकऱ्यांचं लक्षImage Credit source: Instagram
Follow us
| Updated on: Nov 16, 2023 | 6:29 PM

मुंबई : 16 नोव्हेंबर 2023 | सध्या सुधाकर रेड्डी यंकट्टी दिग्दर्शित ‘नाळ भाग 2’ची सर्वत्र जोरदार चर्चा सुरु आहे. दिवाळीत प्रदर्शित झालेल्या या चित्रपटाला प्रेक्षकांकडून भरभरून प्रतिसाद मिळत आहे. प्रेक्षकांच्या पसंतीस उतरत असतानाच आता मराठी कलाकारांचीही या चित्रपटासोबत नाळ जोडली जात आहे. अनेक कलाकार आपल्या सोशल मीडियावरून या चित्रपटाचं भरभरून कौतुक करत आहेत. महेश मांजरेकर, विजू माने, आदिनाथ कोठारे, स्मिता तांबे यांच्यासह अनेक कलाकारांनी या चित्रपटाबद्दल प्रतिक्रिया दिल्या आहेत.

महेश मांजरेकर यांनी इन्स्टाग्राम अकाऊंटवरून खास व्हिडीओ शेअर केला आहे. ”अप्रतिम सिनेमा आहे नाळ 2. अभिमान वाटला, की मराठीत असा चित्रपट यावा. ‘नाळ भाग 2’ हा सिनेमा देशात सगळ्यांनी बघितला पाहिजे. यात तीन मुलांची कामं आहेत. अनेक पुरस्कार सोहळ्यांमध्ये या चित्रपटाला नामांकनं मिळतील. विशेषतः या चित्रपटातील चिमीची भूमिका साकारणाऱ्या त्या चिमुकलीला. मी सांगेन तिचं नामांकन सर्वोत्कृष्ट बालकलाकारमध्ये न घेता ‘सर्वोत्कृष्ट अभिनेत्री’मध्ये घ्या,” अशा शब्दांत त्यांनी कौतुक केलं.

हे सुद्धा वाचा

“मराठी चित्रपट काहीतरी वेगळं देण्याचा नेहमीच प्रयत्न करतात. अतिशय सुंदर चित्रपट आहे. सर्वांनी हा चित्रपट नक्की पाहा,” असं आवाहन मांजरेकरांनी चाहत्यांना केलं. तर दिग्दर्शक विजू माने म्हणतात, ”सुधाकर रेड्डी यंकट्टी यांनी लेखणीसहित कॅमेऱ्यानेही चित्रपट सुंदर रेखाटला आहे. पात्रांच्या रचना आणि त्यांच्या एकमेकांशी असलेला प्रतिकात्मक संबंध हा अगदी सामान्य प्रेक्षकांनाही कळणारा आहे. कुठलाही अविर्भाव नसलेला हा अत्यंत नैसर्गिक आणि निरागस सिनेमा निखळ आनंद देऊन जातो.”

”प्रत्येक फ्रेम काहीतरी सांगतेय. शब्दांपेक्षा दृष्टिक्षेपातून दाखवण्याचा उत्तम प्रयत्न केला आहे. बघता बघता आपसूकच कंठ दाटून येतो. अप्रतिम सिनेमा,” अशी प्रतिक्रिया आदिनाथ कोठारे याने दिली आहे. तर स्मिता तांबे म्हणाली, ”एक अत्यंत अप्रतिम अनुभव आहे. भावाबहिणीने, संपूर्ण कुटुंबाने एकत्र जाऊन पाहावा, असा हा सिनेमा आहे. या चित्रपटात अनेक हळव्या भावना आहेत. एखाद्या गावाचे चुकून कॅमेरा शिरला आहे, इतका नैसर्गिक अभिनय ही पत्रे करत आहेत. सुधाकर रेड्डी यंकट्टी, नागराज मंजुळे आणि झी स्टुडिओजने एक उत्तम कलाकृती दिवाळीच्या निमित्ताने भेट दिली आहे.” याव्यतिरिक्त प्रियदर्शन जाधव, सोनाली खरे, विजय पाटकर, जयवंत वाडकर, प्रथमेश परब आदी कलाकारांनीही ‘नाळ भाग 2’चं विशेष कौतुक केलं आहे.

Non Stop LIVE Update
रेमल चक्रीवादळाने आतापर्यंत घेतले 36 बळी, 'या' राज्याला सर्वाधिक तडाखा
रेमल चक्रीवादळाने आतापर्यंत घेतले 36 बळी, 'या' राज्याला सर्वाधिक तडाखा.
लोकलने प्रवास करताय? ही बातमी वाचा! 'मरे'वर 36 तासांचा ब्लॉक, पण कुठे?
लोकलने प्रवास करताय? ही बातमी वाचा! 'मरे'वर 36 तासांचा ब्लॉक, पण कुठे?.
आला रे Monsoon केरळात आला, राज्यात 'या' दिवशी होणार मान्सूनची एन्ट्री
आला रे Monsoon केरळात आला, राज्यात 'या' दिवशी होणार मान्सूनची एन्ट्री.
दमानिया रिचार्जवर चालणारी बाई, सूरज चव्हाणांच्या टीकेनंतर उडाला भडका
दमानिया रिचार्जवर चालणारी बाई, सूरज चव्हाणांच्या टीकेनंतर उडाला भडका.
आव्हाडांना अटक होणार? 'त्या' कृतीवरून संताप, कुणी केली अटकेची मागणी?
आव्हाडांना अटक होणार? 'त्या' कृतीवरून संताप, कुणी केली अटकेची मागणी?.
Baramati : क्या बोलती पब्लिक? बारामतीकरांच्या मनात कोण? ताई की वहिनी?
Baramati : क्या बोलती पब्लिक? बारामतीकरांच्या मनात कोण? ताई की वहिनी?.
आव्हाडांना बाबासाहेबांचा फोटो नाही पुतळा...त्या कृतीनंतर कुणाचा संताप?
आव्हाडांना बाबासाहेबांचा फोटो नाही पुतळा...त्या कृतीनंतर कुणाचा संताप?.
शिंदेंच्या 'त्या' कायदेशीर नोटीला संजय राऊतांचं उत्तर, अब आयेगा मजा...
शिंदेंच्या 'त्या' कायदेशीर नोटीला संजय राऊतांचं उत्तर, अब आयेगा मजा....
मुख्यमंत्र्यांची राऊतांना कायदेशीर नोटीस, 3 दिवसांत माफी मागा अन्यथा..
मुख्यमंत्र्यांची राऊतांना कायदेशीर नोटीस, 3 दिवसांत माफी मागा अन्यथा...
हा महाराष्ट्र आहे, कुणाचा जीव घेणं सोपं काम नाही; शिरसाट काय म्हणाले?
हा महाराष्ट्र आहे, कुणाचा जीव घेणं सोपं काम नाही; शिरसाट काय म्हणाले?.