Malaika Arora: मुलानेच उडवली मलायका अरोराच्या कपड्यांची खिल्ली; म्हणाला “जेलमधल्या कैदीसारखं..”

मुंबई: अभिनेत्री मलायका अरोरा तिच्या फिटनेस आणि अनोख्या फॅशनमुळे चर्चेत असते. वयाची पंचेचाळिशी ओलांडल्यानंतरही मलायका मॉडेलिंगच्या बाबतीत मोठमोठ्या अभिनेत्रींनाही मागे टाकते. मात्र नुकत्याच एका कार्यक्रमात मुलानेच तिच्या ड्रेसिंग सेन्सची खिल्ली उडवली आहे. ‘मूव्हींग इन विथ मलायका’ या शोमध्ये अरहान खानने हजेरी लावली होती. यावेळी त्याने आईच्या स्टायलिश कपड्यांची चांगलीच खिल्ली उडवली.

मूव्हींग इन विथ मलायका या शोच्या नुकत्याच पार पडलेल्या एपिसोडमध्ये मलायकाने ग्लॅमरस टॉप परिधान केला होता. मात्र याच टॉपवरून अरहानने तिची मस्करी केली. अरहानने त्याच्या आईच्या आऊटफिटची तुलना टेबल नॅपकिनशी केली. “तू जेलमधल्या कैदीसारखी दिसतेयस”, असं तो म्हणाला. हे ऐकून मलायकालाही हसू अनावर झालं.

या शोमध्ये अरहानने मावशी अमृता अरोरासोबतच्या नात्याबद्दलही वक्तव्य केलं. “मी अमूच्या (अमृता अरोरा) बाजूने आहे. कारण ती तुझी (मलायका) जागा घेण्यासाठी स्वत: खूप प्रयत्न करत असते. माझ्यासाठी ती दुसऱ्या आईसारखीच आहे. मात्र मला असं वाटतंय की ती आता पहिल्या स्थानावर येतेय”, असं तो म्हणतो.

View this post on Instagram

A post shared by Disney+ Hotstar (@disneyplushotstar)

मावशी अमृता अरोरासोबत अरहानचं खूप खास नातं आहे. मलायका आणि अमृता या दोन्ही बहिणींमध्येही खूप मैत्रीपूर्ण नातं आहे. मलायकाच्या प्रत्येक चढउतारांमध्ये तिने साथ दिली.

मलायकाने 2017 मध्ये अरबाज खानला घटस्फोट दिला. या दोघांना 20 वर्षांचा अरहान हा मुलगा आहे. विभक्त झाल्यानंतरही मुलासाठी या दोघांना नेहमीच एकत्र आल्याचं पाहिलं गेलं. अरहान अमेरिकेत फिल्म मेकिंगचं शिक्षण घेतोय. विमानतळावर त्याला सोडायला जाताना किंवा तो परतल्यावर त्याला आणायला जाताना नेहमीच मलायका आणि अरबाजला एकत्र पाहिलं जातं.