नगर”सेवकां”चा पगार 25 हजार, नाही हो परवडत, Fortuner चा हफ्ताच 30 हजार, आस्ताद काळेच्या कानपिचक्या

मुंबई : महाराष्ट्रातील नगर”सेवकां”चा पगार फार तर 25 हजार रुपये इतका आहे, तर फॉर्च्युनर (Fortuner) गाडीचा हफ्ताच 30 हजार असतो, असं म्हणत अभिनेता आस्ताद काळे (Aastad Kale) याने राजकारण्यांना कानपिचक्या लगावल्या आहेत. गेल्या काही दिवसांपासून आस्तादने सोशल मीडियाच्या माध्यमातून काही प्रश्न उपस्थित करत फॉलोअर्सच्या डोक्याला खाद्य पुरवलं आहे. (Marathi Actor Aastad Kale express anger on Maharashtra Corporators and Politicians)

“आत्ता महाराष्ट्रातील ‘नगर”सेवकां”‘चा पगार (सरकारी पगार) हा फार फार तर 25 हजार रुपये इतका आहे. A grade Municipal Corporation मधल्यांचा. ज्यात पुणे, मुंबई, आणि नागपूर येतात. आता पुण्यात, मुंबईत मी खूप राहिलोय. 25 हजार रुपयांत हे असं राहणीमान नाही हो परवडत!!! Fortuner चा हफ्ताच 30 हजार वगैरे असेल!! (जर द्यायचा असेल तर अर्थात!!)” अशी पोस्ट आस्तादने इन्स्टाग्रामवर लिहिली आहे.

पाहा इन्स्टाग्राम पोस्ट :

View this post on Instagram

A post shared by Aastad Sunita Pramod Kale (@aastadkale)

(Aastad Kale Maharashtra Corporators)

“नागडे राजकारणी…नागडं सरकार”

“प्रश्न विचारायचे आहेत…स्वत्व जपायचं आहे…. कदाचित जीव गमवावा लागू शकतो…कारण.. श्शु!!! कुठे काही बोलायचं नाही…. अरे हाड….. आम्ही प्रश्न विचारणार…. सत्तेच्या आणि सत्तेत्ल्या प्रत्येकाला…. उत्तरं न देता आम्हाला गप्प करू बघाल तर तुम्ही किती नागडे आहात तेच दिसणार…… नागडे राजकारणी…नागडं सरकार… निरोप घेतो….” अशी पोस्ट आस्तादने कालच केली होती.

आस्ताद काळे स्पष्टवक्तेपणा आणि निर्भीड भूमिकेबद्दल मनोरंजन विश्वात ओळखला जातो. बिग बॉस मराठीच्या पहिल्या पर्वात तो सहभागी झाला असताना त्याची सडेतोड वृत्ती पाहायला मिळाली होती. याआधीही आस्तादने कोरोना काळामध्ये पश्चिम बंगालमध्ये घेतलेल्या विधानसभा निवडणुका, त्यासाठी घेण्यात आलेल्या प्रचारसभा, राजकीय नेत्यांनी काढलेल्या मिरवणुका यावर भाष्य केले होते.

आस्ताद काळेच्या गाजलेल्या कलाकृती

आस्ताद काळे नुकताच चंद्र आहे साक्षीला मालिकेत संग्रामच्या भूमिकेत झळकला होता. काम देण्याबाबत सोशल मीडियावर त्याने केलेली पोस्टही चर्चेचा विषय ठरली होती. बिग बॉस मराठीच्या पहिल्या पर्वाचा आणि सिंगिंग स्टार या म्युझिकल रिअॅलिटी शोचा तो फायनलिस्ट होता. असंभव, पुढचं पाऊल, सरस्वती यासारख्या मालिका, दमलेल्या बाबाची कहाणी, फर्जंद यासारख्या चित्रपटांतील त्याच्या भूमिका गाजल्या आहेत. अभिनेत्री स्वप्नाली पाटीलसोबत तो नुकताच विवाहबंधनात अडकला.

संबंधित बातम्या :

“अत्यंत घाण भाषेत आम्हीही रिअ‍ॅक्ट होऊ शकतो” प्रेक्षकाच्या अश्लाघ्य टीकेवर अभिनेता शशांक केतकर संतापला

VIDEO | “तू बुधवार पेठेतील ** आहेस” इन्स्टाग्राम युझरच्या कमेंटवर मानसी नाईकचं लाईव्ह उत्तर

(Marathi Actor Aastad Kale express anger on Maharashtra Corporators and Politicians)