Nana Patekar : आपली साथ देणारा फक्त तोच…मृत्यूबद्दल नाना पाटेकरांनी केलेलं डोळे पाणावणारंं वक्तव्य

ज्येष्ठ अभिनेते नाना पाटेकर यांचं गुरुवारी वयाच्या ७५ व्या वर्षी गोव्यातील डोना पौला येथील त्यांच्या निवासस्थानी हृदयविकाराच्या झटक्यानं निधन झालं. मिळालेल्या माहितीनुसार, अभिनेते पहाटे त्यांच्या घरी बेशुद्ध अवस्थेत आढळले आणि त्यांना तातडीनं एका खासगी रुग्णालयात दाखल करण्यात आलं, जिथे त्यांना मृत घोषित करण्यात आलं. डॉ. शेखर साळकर यांनी दिलेल्या माहितीनुसार, नाना पाटेकर पहाटे ४ वाजता त्यांच्या घरी बेशुद्ध अवस्थेत आढळले आणि त्यांना तातडीनं रुग्णालयात दाखल करण्यात आलं. त्यानंतर पहाटे ५:२० वाजता त्यांना मृत घोषित करण्यात आलं. आज, दुपारी ४ वाजता पुण्यातील त्यांच्या फार्महाऊसवर शासकीय सन्मानानं त्यांच्यावर अंत्यसंस्कार केले जातील. शवविच्छेदनानंतर नाना पाटेकर यांना गोव्याहून पुण्यात आणलं जात आहे. अशातच आता नाना पाटेकर यांच्या निधनानंतर अनेक कलाकार, राजकीय नेते नाना पाटेकर यांच्या आठवणी सांगत आहेत. एका मुलाखतीत नाना पाटेकर यांनी मृत्यूबद्दल भाष्य केलेलं. त्याचा व्हिडिओ सोशल मीडियावर व्हायरल होतोय.

काय म्हणालेले नाना पाटेकर?

नाना पाटेकर म्हणाले की, ‘तुला माहितीये का तू कधी मारणार आहेस. आपल्याला काहीच माहित नसतं. जन्माला आल्यापासून आई नाही वडील नाही भाऊ नाही, कोणी आपल्यासोबत नसतं. मृत्यू सतत आपल्यासोबत असतो, आता जो आपल्यासोबत आहे, त्याची भीती का वाटावी? साथ फक्त तो देणारा आहे, सतत माझ्यासोबत आहे. नाना चलायचं का? त्याने विचारलं तर म्हणायचं, चला…शाश्वती कशाचीच नाहीये, त्यामुळे ज्याची शाश्वती आहे ते आपण करत नाही.’

‘मला फक्त भीती या गोष्टीची वाटते, माझ्या नकळत मी भ्रष्ट होतोय का? त्यामुळे आपणच आपला आरसा झाल्यानं आयुष्य सोपं होतं.’ असं नाना यांनी शेवटी म्हटलेलं. ‘अमुक तमुक‘ला दिलेल्या मुलाखतीत नाना पाटेकर बोलत होते.

दरम्यान, रुग्णालयातील कर्मचाऱ्यांनी सुमारे ४५ मिनिटं नाना पाटेकर यांना सीपीआर (CPR) देण्याचा प्रयत्न केला, परंतु त्यांना वाचवता आलं नाही. मणिपाल रुग्णालयातील ऑन्कोलॉजी विभागाचे प्रमुख डॉ. शेखर साळकर यांनी एएनआयला याबद्दल सांगितलं. नाना पाटेकर यांच्या निधनानं हिंदी आणि मराठी चित्रपटसृष्टीतील त्यांच्या जवळपास पाच दशकांच्या कारकिर्दीचा अंत झाला आहे.