Nora Fatehi: नोराच्या तोंडून चुकून निघाले असे शब्द, जे ऐकून नेटकरी उडवतायत तिची खिल्ली!
नोराचा एक व्हिडीओ सोशल मीडियावर चर्चेत आला आहे. या व्हिडीओत नोराच्या तोंडून चुकून असे शब्द निघाले, जे ऐकून नेटकरी तिची खिल्ली उडवत आहेत. तिचा हा व्हिडीओ पापाराझी विरल भयानीने इन्स्टाग्रामवर शेअर केला आहे.
मुंबई: आपल्या दमदार नृत्यकौशल्यासाठी ओळखली जाणारी अभिनेत्री आणि डान्सर नोरा फतेही सध्या मनी लाँड्रिंग प्रकरणात चर्चेत आहे. नुकतंच तिने कोर्टात आरोपी सुकेश चंद्रशेखरविरोधात जबाब नोंदविला. यादरम्यान नोराचा एक व्हिडीओ सोशल मीडियावर चर्चेत आला आहे. या व्हिडीओत नोराच्या तोंडून चुकून असे शब्द निघाले, जे ऐकून नेटकरी तिची खिल्ली उडवत आहेत. तिचा हा व्हिडीओ पापाराझी विरल भयानीने इन्स्टाग्रामवर शेअर केला आहे.
या व्हिडीओमध्ये नोरा फतेहीचा फोटो काढण्यासाठी पापाराझींमध्ये एक चाहतासुद्धा आहे. नोराचे फोटो क्लिक करताना तो चाहता अचानक पडतो. त्यानंतर नोरा त्याची मदत करते. इथपर्यंत तरी सर्व ठीक होतं मात्र त्यानंतर नोरा जे म्हणाली, त्यावरून नेटकरी तिला ट्रोल करत आहेत.
‘संभल के गिरो’ (सांभाळून पड) असं नोराच्या तोंडून चुकून निघालं. याच गोष्टीवरून नेटकरी तिची खिल्ली उडवत आहेत. ‘भावा, जरा सांभाळून खाली पड’, अशी उपरोधिक कमेंट एका युजरने केली. तर ‘आधी थोडं प्लॅनिंग कर आणि मग जरा सांभाळून पड. असं अचानक कोण खाली पडतं’, असं दुसऱ्याने लिहिलं आहे. ‘सांभाळून खाली पड जरा, जरा दुखापत तरी होऊ दे’, अशीही मस्करी नेटकऱ्यांनी केली.
पहा व्हिडीओ-
View this post on Instagram
गेल्या काही दिवसांपासून नोरा मनी लाँड्रिंग प्रकरणामुळे चर्चेत आहे. नुकताच तिने तिहार तुरुंगात असलेल्या आरोपी सुकेश चंद्रशेखरविरोधात जबाब नोंदविला. माझी गर्लफ्रेंड होण्यास तयार असशील तर मी तुला बंगला, आलिशान गाड्या आणि सर्व सोयीसुविधा देईन असं आमिष सुकेशने दाखविल्याचं नोरा म्हणाली.
