OMG 2 | भगवान शंकर सावरणार अक्षयचं करिअर?, ‘ओह माय गॉड 2’ स्क्रिनिंगदरम्यान ‘हर हर महादेव’च्या घोषणा
सनी देओलच्या 'गदर 2'च्या तुलनेत 'OMG 2'ची ॲडव्हान्स बुकिंग फारशी झाली नव्हती. त्यामुळे ओपनिंग कमाईवर थोडासा फटका बसू शकतो. मात्र ट्विटरवर सकारात्मक पब्लिसिटी होत असल्याने पहिल्या वीकेंडपर्यंत कमाईचा आकडा वाढण्याची शक्यता आहे.
मुंबई | 11 ऑगस्ट 2023 : अक्षय कुमारच्या ‘ओह माय गॉड 2’ या चित्रपटावरून मोठा वाद निर्माण झाला होता. सेक्स एज्युकेशनच्या विषयामुळे सेन्सॉर बोर्डाने या चित्रपटाला ‘A’ प्रमाणपत्र दिलं. तर काही सीन्ससुद्धा बदलण्याचे आदेश दिले. त्यामुळे प्रदर्शनापूर्वी चित्रपटाभोवती काहीसं नकारात्मक वातावरण निर्माण झालं होतं. मात्र हा चित्रपट प्रदर्शित झाल्यानंतर सोशल मीडियावर सकारात्मक प्रतिक्रिया येताना दिसत आहेत. बॉक्स ऑफिसवर सनी देओलच्या ‘गदर 2’ या चित्रपटाशी टक्कर असतानाही अक्षयच्या ‘OMG 2’बद्दल प्रेक्षकांमध्ये हळूहळू वातावरणनिर्मिती होत आहे. अक्षय कुमार आणि पंकज त्रिपाठी या जोडीच्या अभिनयाने प्रेक्षकांची मनं जिंकली आहेत.
या चित्रपटाचा प्रसिद्ध चित्रपट व्यापार विश्लेषक तरण आदर्शने पाचपैकी चार स्टार दिले आहेत. चित्रपटाची कथा आणि कलाकारांचं अभिनय हे या चित्रपटाच्या जमेच्या बाजू ठरत आहेत. उत्तम स्क्रीनप्ले सोबतच दमदार डायलॉग्समुळे थिएटरमध्ये शिट्ट्या वाजवल्या जात आहेत आणि टाळ्यांचा कडकडाट होत आहे. इतकंच नव्हे तर अक्षयच्या एण्ट्रीवर ‘हर हरम महादेव’च्या घोषणाही होत आहेत.
सिटीयो और तालियो की गूंज के बिच परदे पर उतरी फ़िल्म #OMG2..@akshaykumar की एंट्री पर दर्शकों ने लगाए “हर हर महादेव” के नारे..#Akshaykumar #OMG2Review pic.twitter.com/4xQ68mg1iS
— Mᴜᴋᴇꜱʜ Yᴀᴅᴀv’ॐ’🇮🇳 (@mukesh_akkian) August 11, 2023
#OneWordReview…#OMG2: COURAGEOUS. Rating: ⭐️⭐️⭐️⭐️ Bold. Brave. Progressive… It conveys what it intends to without mincing words… #OMG2 has a captivating plot, gripping screenwriting and solid dialogues, but what enhances the impact are the towering performances. #OMG2Review… pic.twitter.com/MRTErxUA8e
— taran adarsh (@taran_adarsh) August 10, 2023
‘भगवान शंकराच्या भूमिकेतील अक्षय कुमारने दमदार कामगिरी केली’, असं एकाने लिहिलं. तर ‘काय योग्य आणि काय अयोग्य हे ठरवण्याचा निर्णय प्रेक्षकांकडे सोपवावा. प्रेक्षकांची प्रतिक्रियाच समोर येत आहे. चांगल्या मुद्द्यावर हा चित्रपट बनवला आहे’, असं दुसऱ्या युजरने म्हटलं आहे. फर्स्ट डे फर्स्ट शो पाहिल्यानंतर प्रेक्षक सोशल मीडियावर भरभरून व्यक्त होत आहेत. गेल्या काही काळातील हा अक्षयचा सर्वोत्तम चित्रपट असल्याचंही नेटकऱ्यांनी म्हटलं आहे.
Just finished watching #OMG2, a topic we avoid talking about in our homes & schools. Akshay sir showed bravery & done this subject with great maturity & conviction. Every teen, parent & teacher should watch it. My rating 8/10, Love you @akshaykumar sir.#OMG2Review#AkshayKumar pic.twitter.com/JPWvT4ldXE
— Bibisar Nayak (@bibisarnayak) August 11, 2023
सनी देओलच्या ‘गदर 2’च्या तुलनेत ‘OMG 2’ची ॲडव्हान्स बुकिंग फारशी झाली नव्हती. त्यामुळे ओपनिंग कमाईवर थोडासा फटका बसू शकतो. मात्र ट्विटरवर सकारात्मक पब्लिसिटी होत असल्याने पहिल्या वीकेंडपर्यंत कमाईचा आकडा वाढण्याची शक्यता आहे. बॉक्स ऑफिसवर दोन मोठ्या चित्रपटांची टक्कर असल्याने यात कोण बाजी मारणार हे पाहणं महत्त्वाचं ठरणार आहे.
अक्षय कुमार आणि परेश रावल यांचा 2012 मध्ये ‘ओह माय गॉड’ हा चित्रपट प्रदर्शित झाला होता. सुरुवातीला त्यातील काही धार्मिक गोष्टींवर आक्षेप घेण्यात आला, मात्र कथेतील तर्कवितर्क पाहिल्यानंतर प्रेक्षकांनी त्याला खूप पसंती दर्शवली. आता याच चित्रपटाच्या सीक्वेलमध्ये अक्षय कुमारसोबत पंकज त्रिपाठी यांची जोडी पहायला मिळतेय. ‘OMG’च्या लोकप्रियतेला टक्कर देऊन ‘OMG 2’ हा चित्रपटसुद्धा पुन्हा एकदा प्रेक्षकांच्या मनात स्थान मिळवू शकेल का, असं मोठं आव्हान निर्मात्यांसमोर आहे. मात्र माऊथ पब्लिसिटी पाहता हे आव्हान निर्माते सहज पेलू शकतील असा अंदाज व्यक्त होत आहे.
