आलिया भट्ट माझ्यासोबत…पाकिस्तानी अभिनेत्री हे काय बोलून गेली; महेश भट्ट यांच्याविषयही केला मोठा खुलासा!
पाकिस्तानच्या एका अभिनेत्रीचा सिनेमा लवकरच प्रदर्शित होणार आहे. हा चित्रपट भारतात प्रदर्शित होणार नाही. परंतु तीने महेश भट्ट यांच्याविषयी बरंच काही सांगितलं आहे. आलिया भट्टच्या आठवणीदेखील तिने सांगितले आहे.
Pakistan Actress Meera : पाकिस्तानी अभिनेत्री मीरा सध्या खूपच चर्चेत आहे. तिचा सायको नावाचा चित्रपट येत आहे. या चित्रपटाचे ती पूर्ण ताकदीने प्रमोशन करत आहे. याच चित्रपटाच्या प्रमोशनदरम्यान या अभिनेत्रीने अभिनेत्री आलिया भट्ट, दिग्दर्शक महेश भट्ट यांच्याविषयी बरंच काही सांगितलं आहे. मीराने कधीकाळी महेश भट्ट यांच्यावर शारीरिक छळाचे आरोप केले होते. यावरही तिने मनातल्या सर्व गोष्टी सांगितल्या आहेत.
महेश भट्ट यांच्याविषयी नेमकं काय म्हणाली?
मीराने कधीकाळी बॉलिवूडमध्येही काम केलेलं आहे. नजर या चित्रपटातून तिने बॉलिवूडमध्ये डेब्यू केला होता. या चित्रपटाचे दिग्दर्शन सोनी राजदान यांनी केले होते. काही वर्षांपूर्वी मीराने महेश भट्ट यांच्यावर कंट्रोलिंग स्वभाव आणि शारीरिक छळाचा आरोप केला होता. महेश भट्ट यांनी माझ्या कानशिलात लगावली होती, असा आरोप तीने केला होता. ‘द ब्लू ट्रुथ’ या डिजिटल प्लॅटफॉर्मशी बोलताना तिने यावर भाष्य केले आहे. खरं म्हणजे तिने आपल्या या आरोपांवरून यू टर्न घेतला आहे. मी असं कधीच बोललेले नाही. महेश भट्ट हे खूप चांगले दिग्दर्शक आहेत, असं तिने यावेळी म्हटलंय.
आलिया भट्ट माझ्याजवळ झोपायची
पाकिस्तानी अभिनेत्री मीराने आलिया भट्ट हिच्या बालपणाविषयीही बरंच काही सांगितलं आहे. आलिया भट्ट लहान असताना माझ्याजवळच झोपायची. ती खूप बुद्धामान होती. अभ्यासातही ती खूपच हुशार होती, अशी आठवण मीराने सांगितली. दरम्यान, मीराचा सायको हा चित्रपट भारतात प्रदर्शित होणार नाही. याबाबत तिने दु:खही व्यक्त केलं. माझा हा चित्रपट महेश भट्ट यांनी पाहिला असता तर त्यांनी मला कॉल करून माझं कौतुक केलं असतं, असा विश्वासही तिने यावेळी व्यक्त केला.
