Life experience | सावत्र वडील करायचे अभिनेत्रीची मारहाण; त्रासलेल्या मुलीची अवस्थापाहून आईने उचललं मोठं पाऊल

मुंबई | 8 ऑक्टोबर 2023 : झगमगत्या विश्वात असे अनेक सेलिब्रिटी आहेत, ज्यांचं पहिलं लग्न अपयशी ठरल्यामुळे त्यांनी दुसरं लग्न केलं. दुसऱ्या लग्नानंतर काही वर्ष अभिनेत्रींनी दुसऱ्या पतीसोबत सुखी संसार केला. पण काही वर्षांनंतर सुखी संसाराचं चित्र पूर्णपणे बदललं. दुसऱ्या लग्नामुळे मुलांना अनेक वाईट गोष्टींचा सामना करावा लागला. असंच काही अभिनेत्री श्वेता तिवारी हिच्यासोबत देखील झालं. श्वेता तिवारी हिने पहिलं लग्न राजा चौधरी याच्यासोबत केलं. पण त्यांचं नातं अधिक काळ टिकलं नाही. दोघांना एक मुलगी देखील आहे. राजा चौधरी आणि श्वेता तिवारी यांच्या मुलीचं नाव पलक तिवारी असं आहे.

पलक हिची आई श्वेता तिवारी आणि वडील राजा चौधरी यांची भेट एका भोजपुरी सिनेमाच्या शूटिंगदरम्यान झाली होती. भेटीचं कालांतराने प्रेमात रुपांतर झालं. अखेर दोघांनी लग्न करण्याचा निर्णय घेतला. पण लग्नानंतर दोघांमधील वाद वाढू लागले. श्वेता हिने राजा याच्यावर घरगुती हिंसाचाराचा आरोप केला होता. सतत वाद होत असल्यामुळे दोघांनी घटस्फोटाचा निर्णय घेतला.

पहिलं लग्न अपयशी ठरल्यानंतर अभिनेत्रीने अभिनव कोहली याच्यासोबत लग्न केलं. पण सावत्र वडील पलक हिला मारहाण करण्याची धक्कादायक माहिती देखील समोर आली. एवढंच नाही, सावत्र वडील अभिनव, पलक हिला मॉडेलचे अश्लील फोटो दाखवायचा. त्याचप्रमाणे तिला अर्वाच्च भाषेत शिवीगाळ देखील करायचा, असा दावा श्वेताने केला होता.

सवत्र वडिलांकडून मुलीला होत असलेला त्रास पाहून श्वेता तिवारी हिने पोलिसांत तक्रार दाखल केली. आज पलक तिची आई श्वेता तिवारी हिच्यासोबत आनंदी आयुष्य जगत आहे. दोघींचे अनेक फोटो आणि व्हिडीओ देखील सोशल मीडियावर व्हायरल होत असतात..

पलक तिवारी आईच्या पाऊलांवर पाऊल ठेवत बॉलिवूडमध्ये स्वतःचं स्थान निर्माण करण्याचा प्रयत्न करत आहे. सध्या सर्वत्र अभिनेत्रीची चर्चा रंगली आहे. पलक हिने अभिनेता सलमान खान स्टारर ‘किसी का भाई किसी की जान’ सिनेमाच्या माध्यमातून बॉलिवूडमध्ये पदार्पण केलं. चाहते आता पलक तिवारी हिच्या आगामी सिनेमाच्या प्रतिक्षेत आहेत.

पलक सोशल मीडियावर देखील कायम सक्रिय असते. सोशल मीडियावर देखील पलक हिच्या चाहत्यांची संख्या फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.