‘या’ दिवशी परिणीती चोप्रा – राघव चड्ढा उरकणार साखरपुडा; ‘का’ लाजली अभिनेत्री?

मुंबई : बॉलिवूड अभिनेत्री परिणीती चोप्रा आणि आम आदमी पक्षाचे खासदार राघव चड्ढा यांच्या नात्याच्या चर्चांनी सध्या तुफान जोर धरला आहे. हॉटेलबाहेर दोघांना एकत्र पाहिल्यानंतर परिणीती – राघव चड्ढा यांच्या नात्याची चर्चा रंगली. पण अद्याप दोघांनी देखील त्यांच्या नात्याबद्दल मौन बाळगलं आहे. शिवाय दोघांच्या कुटुंबाने देखील कोणतीही अधिकृत घोषणा केलेली नाही. पण जेव्हा परिणीतीला लग्नाबद्दल प्रश्न विचारण्यात येतो, तेव्हा अभिनेत्री लाजते. सध्या परिणीती सतत मुंबई ते दिल्ली असा प्रवास करत आहे. गेल्या काही दिवसांपासून परिणीती दिल्लीमध्ये होती.

याचदरम्यान, अभिनेत्री प्रियांका चोप्रा देखील कुटुंबासोबत मुंबईत आली आहे. त्यामुळे परिणीती आणि राघव दोघे लवकरच लग्नबंधनात अडकतील अशी चर्चा रंगत आहे. मिळालेल्या माहितीनुसार परिणीती चोप्रा आणि राघव चड्ढा १० एप्रिल रोजी साखरपुडा करणार असल्याच्या चर्चा रंगत आहेत.

दिल्ली विमानतळावर जेव्हा अभिनेत्रीला लग्नाबद्दल विचारण्यात आलं, तेव्हा परिणीती लाजली आणि पुढे गेली. रिपोर्टनुसार परिणीती चोप्रा आणि राघव चड्ढा १० एप्रिल रोजी साखरपुडा उरकणार आहेत, दोघांच्या साखरपुड्यात फक्त कुटुंब आणि मित्र-परिवार उपस्थित राहणार आहेत.

View this post on Instagram

A post shared by Viral Bhayani (@viralbhayani)

सुत्रांनी दिलेल्या माहितीनुसार, ‘लवकरच परिणीती – राघव साखरपुडा करण्याची शक्यता आहे. अत्यंत खासगी पद्धतीत दोघांचा साखरपुडा पार पडणार आहे. या सोहळ्यात मित्र परिवार आणि कुटुंब सहभागी होणार आहे.’ पण याबद्दल चोप्रा आणि चड्ढा कुटुंबियांकडून अधिकृत माहिती मिळालेली नाही.

राघव चड्ढा आणि परिणीती चोप्रा यांनी लंडन स्कूल ऑफ इकॉनॉमिक्समध्ये एकत्र शिक्षण घेतलं आहे. त्यामुळे त्यांची ओळख महाविद्यालयापासून आहे. दरम्यान, आम आदमी पक्षाचे खासदार संजीव आरोरा यांनी ट्विट करत दोघांच्या नात्यावर शिक्कामोर्तब केलं आणि आता दोघांच्या साखरपुड्याची चर्चा रंगत आहे.

परिणीती हिच्याबद्दल सांगायचं झालं तर, अभिनेत्री बॉलिवूडची प्रसिद्ध अभिनेत्री आहे. शिवाय परिणीती अभिनेत्री प्रियांका चोप्रा हिची बहीण देखील आहे. परिणीताने फार कमी कालावधीत बॉलिवूडमध्ये स्वतःचं स्थान भक्कम केलं आहे. सध्या परिणीती तिच्या खासगी आयुष्यामुळे चर्चेत आली आहे.