Adipurush | ‘नंतर मला शिव्या ऐकायच्या नव्हत्या…’, सिनेमात नसतानाही प्रसिद्ध अभिनेता असं का म्हणाला?

मुंबई | ‘आदिपुरुष’ सिनेमाबद्दल निर्माण झालेला वाद आता टोकाला पोहोचला आहे. अनेक ठिकाणी सिनेमाच्या प्रदर्शनावर बंदी घालण्यात आली आहे. ज्यामुळे सिनेमाच्या टीमला मोठा धक्का बसला आहे. उद्भवलेल्या वादानंतर सिनेमात बदल करणार असल्याची घोषणा दिग्दर्शकाने केली आहे. सध्या सर्वत्र सिनेमाची चर्चा आहे. ‘आदिपुरुष’ सिनेमा रामायणावर आधारलेला असल्यामुळे रामानंद सागर याच्या ‘रामायण’ मालिकेतील कलाकार देखील चर्चेत आले आहे. ‘रामायण’ मालिकेत हनुमान यांची भूमिका साकारणारे अभिनेते दारा सिंग यांचे पूत्र विंदू दारा सिंग यांची प्रतिक्रिया समोर आली आहे. ज्यामुळे सर्वत्र चर्चांना उधाण आलं आहे.

विंदू दारा सिंग म्हणाले, ‘सिनेमा प्रदर्शित झाल्यानंतर मला सतत फोन येत आहेत. प्रत्येक जण मला विचात होते की, तुम्ही सिनेमात हनुमानाची भूमिका का साकारली नाही. शिवाय सिंग म्हणाले, तुम्ही रामायणाला गालबोट लावू शकत नाहीत. रामायण अतिशय संवेदनशील विषय असून तो सर्वांच्या जवळचा विषय आहे..’ (vindoo dara singh)

सध्या सिनेमाबद्दल अनेक वाद सुरु आहेत, सिनेमात हनुमान यांची भूमिका साकारण्यासाठी विंदू दारा सिंग यांना विचारण्यात आलं असतं तरी, त्यांनी सिनेमात भूमिका साकारण्यास नकार दिला असता. यावर सिंग म्हणाले ‘रामायणाबबतीत काहीही करण्याआधी मी अनेकदा विचार करेल.. नंतर मला शिव्या ऐकाव्या लागतील असं मी काहीही करणार नाही…’

पुढे विंदू दारा सिंग म्हणाले, ‘मी सिनेमात काम कधीच केलं नसतं. सिनेमात हनुमान कपडे, डायलॉग.. इत्यादी गोष्टींच्या चर्चा रंगत आहेत. जर तुम्ही रामायणावर काम करत आहात तर तुम्हाला सावध राहण्याची अत्यंत गरज आहे. रामायणाला गालबोट लावणं अत्यंत भयानक आहे…’ असं देखील विंदू दारा सिंग म्हणाले… सध्या सर्वत्र ‘आदिपुरुष’ आणि विंदू दारा सिंग यांच्या वक्तव्याची चर्चा रंगत आहे.

अभिनेता प्रभास आणि अभिनेत्री क्रिती सनॉन स्टारर ‘आदिपुरुष’ सिनेमा प्रदर्शनानंतर वादाच्या भोवऱ्यात अडकला आहे. सध्या सर्वत्र आदिपुरुष सिनेमाची चर्चा रंगली आहे. सिनेमा पाहिल्यानंतर प्रेक्षक देखील नाराजी जाहिर करत आहेत. तर सिनेमातील डायलॉगवर देखील प्रश्नचिन्ह उपस्थित करण्यात येत आहे.