Ranveer Singh | ‘या’ अभिनेत्यासाठी धर्मेंद्र यांच्या मुलीने सोडली रणवीरची साथ; कॉलेजमधील प्रेकप्रकरण चर्चेत

मुंबई : बॉलिवूड इंडस्ट्रीत अशा बऱ्याच लव्ह-स्टोरी आहेत, ज्यांच्याविषयी चाहत्यांना फार क्वचित माहीत असेल. अभिनेत्री रणवीर सिंग आणि दीपिका पदुकोण यांची प्रेमकहाणी सर्वश्रुत आहे. ‘राम-लीला’ या चित्रपटाच्या सेटवर दोघांमधील जवळीक वाढली आणि जवळपास सहा वर्षे एकमेकांना डेट केल्यानंतर त्यांनी लग्न केलं. मात्र दीपिकाच्या आधी कॉलेजच्या दिवसांत एका स्टारकिडवर रणवीरचं प्रेम जडलं होतं. रणवीरच्या कॉलेजच्या दिवसांतील हे प्रेमप्रकरण फार कमी लोकांना माहीत असेल. ही स्टारकिड दुसरी-तिसरी कोणी नसून ज्येष्ठ अभिनेते धर्मेंद्र यांची मुलगी आहे. धर्मेंद्र आणि हेमा मालिनी यांची छोटी मुलगी अहाना देओलच्या प्रेमात रणवीर अक्षरश: वेडा होता.

धर्मेंद्र आणि हेमा मालिनी यांची मोठी मुलगी ईशा देओलने बॉलिवूडमध्ये काही चित्रपटांमध्ये भूमिका साकारल्या आहेत. मात्र ईशाची धाकटी बहीण अहाना नेहमी लाइमलाइटपासून दूर राहिली. मात्र कॉलेजमध्ये असताना अहानाचं नाव बॉलिवूडमधल्या दोन हँडसम हंकसोबत जोडलं गेलं होतं. खुद्द रणवीर सिंगने ‘कॉफी विथ करण’ या चॅट शोमध्ये अहानाविषयी खुलासा केला होता. रणवीरने सांगितलं की अहानाने त्यांच्या लाँग टर्म रिलेशनशिपला दुसऱ्या व्यक्तीसाठी सोडलं. जवळपास चार ते पाच वर्षे रणवीर अहानाच्या प्रेमात आकंठ बुडाला होता. मात्र अहानाने ज्या व्यक्तीसाठी रणवीरला सोडलं, ती व्यक्ती आदित्य रॉय कपूर असल्याचं म्हटलं जातं. आजही इन्स्टाग्रामवर रणवीर सिंग आणि आदित्य रॉय कपूर हे अहाना फॉलो करतात.

View this post on Instagram

A post shared by ?Ahana Deol Vohra (@ahana_deol_vohra)

अहाना देओलने 2014 मध्ये दिल्लीतील व्यावसायिक वैभव वोहराशी लग्न केलं. 2015 मध्ये तिने मुलाला जन्म दिला त्यानंतर 2020 मध्ये अहाना जुळ्या मुलींची आई झाली. या वर्षी फेब्रुवारी महिन्यात अहाना आणि वैभवने लग्नाचा नववा वाढदिवस साजरा केला. तर दुसरीकडे रणवीर सिंगने 2018 मध्ये अभिनेत्री दीपिका पदुकोणशी लग्न केलं. अभिनेता आदित्य रॉय कपूरचं नाव सध्या चंकी पांडेची मुलगी अनन्या पांडेशी जोडलं जात आहे. या दोघांना अनेकदा डिनर डेटवर एकत्र जाताना पाहिलं गेलं आहे.