AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

रणवीर-दीपिकाने प्रभादेवीतील अपार्टमेंट दिलं भाडेतत्त्वावर; एका महिन्याचं भाडं ऐकून व्हाल चकीत!

रणवीर सिंह आणि दीपिका पादुकोण यांनी प्रभादेवी परिसरातील अपार्टमेंट भाड्याने दिलं आहे. तीन वर्षांसाठी हा करार झाला असून एका महिन्यासाठी लाखो रुपयांचं भाडं स्वीकारण्यात आलं आहे. या अपार्टमेंटमध्ये अत्याधुनिक सुविधा आहेत.

रणवीर-दीपिकाने प्रभादेवीतील अपार्टमेंट दिलं भाडेतत्त्वावर; एका महिन्याचं भाडं ऐकून व्हाल चकीत!
Deepika Padukone and Ranveer Singh Image Credit source: Instagram
| Updated on: Nov 20, 2024 | 10:59 AM
Share

नुकतंच आई-बाबा बनलेल्या दीपिका पादुकोण आणि रणवीर सिंह यांनी मुंबईतील प्रभादेवी इथलं अपार्टमेंट भाडेतत्त्वावर दिलं आहे. प्रभादेवीमधील ‘ब्यू मोंडे टॉवर्स सहकारी गृहनिर्माण संस्था लि.’मध्ये रणवीर-दीपिकाचं आलिशान घर आहे. पश्चिम आणि मध्य उपनगरं तसंच वेस्टर्न एक्स्प्रेस हायवे आणि वरळी-वांद्रे सी लिंक यांसारख्या प्रमुख रस्त्यांना जोडणारा हा परिसर आहे. ‘स्क्वेअर यार्ड्स’ने दिलेल्या वृत्तानुसार, रणवीर-दीपिकाच्या या अपार्टमेंटचा बिल्ट-अप एरिया 3,245 चौरस फूट असून कारपेट एरिया हा 2,319.50 इतका चौरस फूट आहे. यामध्ये तीन कारसाठी पार्किंगची जागादेखील समाविष्ट आहे. या महिन्यात या अपार्टमेंटचा लीज करार पुढील तीन वर्षांसाठी करण्यात आला आहे.

रणवीर-दीपिकाने दरमहा 7 लाख रुपये भाडेतत्त्वावर हे अपार्टमेंट दिलं आहे. यासाठी 21 लाख रुपयांची सेक्युरिटी डिपॉझिट घेण्यात आली आहे. पहिल्या 18 महिन्यांसाठी याचं भाडं प्रतिमहा 7 लाख रुपये असेल. त्यानंतर उर्वरित 18 महिन्यांसाठी ते भाडं वाढवून 7.35 लाख रुपये करण्यात येईल. हे अपार्टमेंट सुसज्ज असून त्यात जिम, स्विमिंग पूल आणि अत्याधुनिक सुरक्षा प्रणालींचाही समावेश आहे.

याच ब्यू मोंडे टॉवर्समध्ये दीपिकाचं आणखी एक अपार्टमेंट आहे. या टॉवरमध्ये 2,3,4 आणि 5 बीएचके अपार्टमेंट्स आहेत. प्रसिद्ध सिद्धिविनायक मंदिरासाराख्या इतरही अनेक प्रतिष्ठित स्थळं या परिसरात आहेत. हा परिसर दादर बीच आणि फिनिक्स मॉलच्या जवळ आहे. याशिवाय मुंबईतील वांद्र्यातही रणवीर-दीपिकाचा प्रीमिअम अपार्टमेंट आहे. त्याचप्रमाणे अलिबागमध्येही 2.25 एकर परिसरात पसरलेला त्यांचा बंगला आहे. 2022 मध्ये तिने अभिनेता शाहरुख खानच्या ‘मन्नत’ या बंगल्याजवळ तब्बल 119 कोटी रुपयांचा ‘फोअर-प्लेक्स’ खरेदी केला आहे. फोअर-प्लेक्स म्हणजेच चार स्वतंत्र अपार्टमेंट्स असलेली निवासी इमारत. या प्रत्येक अपार्टमेंटचं प्रवेशद्वार वेगवेगळं असतं.

दीपिका पादुकोणने 8 सप्टेंबर रोजी मुलीला जन्म दिला. रणवीर आणि दीपिकाने त्यांच्या मुलीचं नाव ‘दुआ’ असं ठेवलं आहे. पाच वर्षे एकमेकांना डेट केल्यानंतर या दोघांनी 2018 मध्ये लग्न केलं. दीपिकाला मुलगी होताच रणवीरची मोठी इच्छा पूर्ण झाली असं म्हटलं जातंय. रणवीरने त्याच्या एका जुन्या मुलाखतीत ही खास इच्छा बोलून दाखवली होती. त्याला मुलगी हवी होती आणि अखेर त्याची ही इच्छा पूर्ण झाली आहे. मुलीच्या जन्मानंतर रणवीर आणि दीपिकाने इन्स्टाग्रामवर ‘बेबी गर्लचं स्वागत’ अशी पोस्ट लिहित त्याखाली जन्मतारखेचा उल्लेख केला होता. या पोस्टवर बॉलिवूड इंडस्ट्रीतील अनेक सेलिब्रिटी आणि सर्वसामान्य चाहत्यांनी शुभेच्छांचा वर्षाव केला होता.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी