AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

एस. एस. राजामौलींच्या RRR चित्रपटातील अभिनेत्याचं निधन; सिनेसृष्टीवर शोककळा

RRR या चित्रपटाशिवाय रे स्टीवेन्सन यांनी 'थॉर' फ्रँचाइजीमधील 'वॉल्स्टॅग' आणि 'वायकिंग्स'मध्ये ओथेरेची भूमिका साकारली होती. त्याचसोबत ॲनिमेटेड स्टार वॉर्स सीरिज 'द क्लोन वॉर्स' आणि 'रिबेल्स'मध्ये गार सेक्सनला त्यांनी आवाज दिला होता.

एस. एस. राजामौलींच्या RRR चित्रपटातील अभिनेत्याचं निधन; सिनेसृष्टीवर शोककळा
RRRImage Credit source: Instagram
| Updated on: May 23, 2023 | 7:57 AM
Share

इटली : एस. एस. राजामौली दिग्दर्शित RRR या चित्रपटाने केवळ भारतातच नाही तर जगभरात प्रसिद्धी मिळवली. चित्रपटात रामचरण आणि ज्युनियर एनटीआर यांच्यावर चित्रित झालेल्या ‘नाटू नाटू’ या गाण्याने प्रतिष्ठित ऑस्कर पुरस्कार पटकावला. मात्र या चित्रपटातील एका कलाकाराबाबत दु:खद बातमी समोर येत आहे. यामध्ये खलनायकाची भूमिका साकारणारा अभिनेता रे स्टीवेन्सन यांचं इटलीत निधन झालं. वयाच्या 58 व्या वर्षी त्यांनी अखेरचा श्वास घेतला. आरआरआर चित्रपटाच्या टीमकडून त्यांच्या अधिकृत ट्विटर हँडलवर याबद्दलची माहिती देण्यात आली आहे. ‘आम्हा सर्वांसाठी ही अत्यंत धक्कादायक बातमी आहे. तुम्ही सदैव माझ्या मनात राहाल, सर स्कॉट’, अशा शब्दांत RRR टीमकडून शोक व्यक्त करण्यात आला.

अवघ्या दोन दिवसांत म्हणजेच 25 मे रोजी रे स्टीवेन्सन त्यांचा 59 वा वाढदिवस साजरा करणार होते. त्यांचं निधन कोणत्या कारणामुळे झालं, याबद्दलची माहिती अद्याप त्यांच्या पीआर एजन्सीकडून देण्यात आली नाही. स्टीवेन्सन यांनी RRR या चित्रपटात मुख्य खलनायक स्कॉट बक्सटनची भूमिका साकारली होती. त्यांनी साकारलेल्या भूमिकेचं प्रेक्षक-समीक्षकांकडून तोंडभरून कौतुक झालं होतं. या चित्रपटात रामचरण, ज्युनियर एनटीआर, आलिया भट्ट आणि अजय देवगण यांच्या मुख्य भूमिका आहेत. या चित्रपटातील ‘नाटू नाटू’ गाण्याला सर्वोत्कृष्ट मूळ गाण्याचा ऑस्कर पुरस्कार मिळाला होता.

RRR या चित्रपटाशिवाय रे स्टीवेन्सन यांनी ‘थॉर’ फ्रँचाइजीमधील ‘वॉल्स्टॅग’ आणि ‘वायकिंग्स’मध्ये ओथेरेची भूमिका साकारली होती. त्याचसोबत ॲनिमेटेड स्टार वॉर्स सीरिज ‘द क्लोन वॉर्स’ आणि ‘रिबेल्स’मध्ये गार सेक्सनला त्यांनी आवाज दिला होता. डिस्ने प्लसच्या आगामी ‘द मंडलोरियन स्पिनऑफ’ ‘Ahsoka’मध्ये रोसारियो डाव्सनसोबत ते झळकणार होते.

रे स्टीवन्सेन यांचा जन्म 25 मे 1964 रोजी उत्तरी आयर्लंडमधील लिस्बर्नमध्ये झाला. त्यांनी 1990 च्या दशकाच्या सुरुवातीला युरोपीय टीव्ही सीरिज आणि टेलीफिल्म्समधून करिअरची सुरुवात केली होती. पॉल ग्रीनग्रास यांच्या 1998 मधील नाटक ‘द थ्योरी ऑफ फ्लाइट’मध्ये हेलेना बोनहम कार्टर आणि केनेथ ब्रानघ यांच्यासोबत ते पहिल्यांदा मोठ्या स्क्रीनवर दिसले होते. अँटोनी फूक्चाच्या ‘किंग आर्थर’, लेक्सी ॲलेक्झांडरच्या ‘पनिशर : वॉर झोन’, ह्युजेन ब्रदर्सच्या ‘द बुक ऑफ एली’ आणि ॲडम मॅककेच्या ‘द अदर बॉय’ या चित्रपटांमध्येही त्यांनी दमदार भूमिका साकारल्या होत्या.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत