कतरिना कैफ हिच्या काला चश्मा गाण्यावर सलमान खान याचा जबरदस्त डान्स, ‘तो’ व्हिडीओ व्हायरल

मुंबई : बिग बॉस 17 धमाका करताना दिसतंय. नुकताच बिग बॉस 17 मध्ये विकेंडचा वार हा पार पडलाय. बिग बॉस 17 च्या विकेंडच्या वारमध्ये सलमान खान हा घरातील सदस्यांचा चांगलाच क्लास लावताना दिसलाय. सलमान खान हा दिवाळीच्या दिवशी चांगलाच भडकल्याचे बघायला मिळाले. बिग बॉस 17 च्या विकेंडच्या वारला थेट कतरिना कैफ ही देखील पोहचली. कतरिना कैफ ही टायगर 3 चित्रपटाचे प्रमोशन करण्यासाठी पोहचली. यावेळी घरातील सदस्यांसोबत धमाल करताना कतरिना कैफ ही दिसली.

सध्या सोशल मीडियावर एक व्हिडीओ तूफान व्हायरल होताना दिसतोय. व्हायरल होणाऱ्या व्डिडीओमध्ये सलमान खान हा बिग बॉस 17 च्या मंचावर कतरिना कैफ हिचे गाणे काला चश्मा यावर धमाकेदार डान्स करताना दिसतोय. अंकिता लोखंडे आणि विकी जैन हे काला चश्मा गाण्यावर बिग बॉस 17 च्या घरात डान्स करत आहेत.

अंकिता आणि विकी यांचा डान्स पाहून सलमान खान याला देखील राहवले नाही आणि त्याने देखील थेट बिग बॉस 17 च्या मंचावर काल चश्मा गाण्यावर डान्स केला. कतरिना कैफ हिच्यासमोर धमाकेदार डान्स करताना सलमान खान हा दिसला. आता याचाच व्हिडीओ हा सोशल मीडियावर व्हायरल होतोय. चाहत्यांना अंकिता लोखंडे आणि विकी जैन यांच्यापेक्षा सलमान खान याचा डान्स आवडला आहे.

#AnkitaLokhande and #VickyJain Awesome dance on Katrina’s kaala chashma 😍#BB17 #BiggBoss17 #AnkitaIsTheBoss #HappyDiwali2023 #Tiger3 #AnVi pic.twitter.com/VGxwW5NvZq

— ƤriήĆ𝐘 ♡ (@princy_patil) November 11, 2023

सलमान खान याच्या व्हायरल होणाऱ्या व्हिडीओवर कमेंट करत एकाने लिहिले की, अरे आता काय गरज आहे कतरिना कैफ हिला इंम्प्रेस करण्याची तिचे लग्न झाले. दुसऱ्याने लिहिले की, अरे त्या कतरिनाचे लग्न आहे. तर दुसरीकडे सलमान खान याचा डान्स काही लोकांना प्रचंड आवडल्याचे देखील बघायला मिळतंय.

एकाने लिहिले की, मला सलमान खान याचा डान्स जबरदस्त आवडलाय. सलमान खान याच्या डान्सचा व्हिडीओ चांगलाच व्हायरल होताना दिसतोय. लोक या व्हिडीओवर मोठ्या प्रमाणात सतत कमेंट करत आहेत. बिग बॉस 17 ची चाहत्यांमध्ये मोठी क्रेझ आहे. मात्र, टीआरपीमध्ये म्हणावा तसा धमाका करण्यात अजूनही बिग बॉस 17 ला यश मिळाले नाही. घरात मोठे हंगामे हे होताना दिसत आहेत.