AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘पुष्पा 2’मधील आयटम साँगवर समंथाची थेट प्रतिक्रिया; अल्लू अर्जुनसोबत श्रीलीलाला नाचताना पाहून म्हणाली..

'पुष्पा 2'मधील आयटम साँगवर अभिनेत्री समंथा रुथ प्रभूची पहिली प्रतिक्रिया समोर आली आहे. रविवारी चेन्नईमध्ये 'किसिक' हे गाणं लाँच करण्यात आलं होतं. या गाण्याची समंथाच्या 'ऊ अंटावा'शी तुलना केली जातेय.

'पुष्पा 2'मधील आयटम साँगवर समंथाची थेट प्रतिक्रिया; अल्लू अर्जुनसोबत श्रीलीलाला नाचताना पाहून म्हणाली..
Allu Arjun, Sreeleela and SamanthaImage Credit source: Instagram
| Updated on: Nov 26, 2024 | 1:53 PM
Share

येत्या डिसेंबर महिन्यात प्रदर्शित होणाऱ्या अल्लू अर्जुनच्या ‘पुष्पा 2: द रुल’ या चित्रपटाची प्रेक्षकांना फार उत्सुकता आहे. गेल्या काही दिवसांपासून या चित्रपटाच्या टीमकडून त्याचं जोरदार प्रमोशन सुरू आहे. नुकताच त्यातील ‘किसिक’ हा आयटम साँग लाँच करण्यात आला. ‘पुष्पा 1: द राइज’मध्ये अभिनेत्री समंथा रुथ प्रभूचा आयटम साँग पहायला मिळाला होता. ‘ऊ अंटावा’ या गाण्याची भुरळ आजही तितकीच आहे. मात्र आता दुसऱ्या भागात समंथाची जागा अभिनेत्री श्रीलीलाने घेतली आहे. ‘किसिक’ या गाण्यात श्रीलीला आणि अल्लू अर्जुन एकत्र थिरकले आहेत.

या गाण्याने 24 तासांत युट्यूबवर सर्वाधिक व्ह्यूज मिळवले आहेत. या गाण्याच्या तेलुगू लिरिकल व्हर्जनला 18 तासांत 25 दशलक्षांपेक्षा अधिक व्ह्यूज मिळाले आहेत. ‘पुष्पा 1’मध्ये समंथाने तिच्या करिअरमधील पहिला आयटम साँग केला होता. तो तुफान हिट झाला. त्यामुळे ‘पुष्पा 2’मधील आयटम साँग प्रदर्शित झाल्यावर त्याची पहिल्या गाण्याची तुलना होणं स्वाभाविक आहे. ‘किसिक’ हे गाणं प्रदर्शित होताच त्यावर नेटकऱ्यांनी विविध प्रतिक्रिया देण्यास सुरुवात केली होती. ‘मान्य करा अथवा नको, पण किसिक हे गाणं पुष्पासाठी नकारात्मक ठरेल’, असं एकाने लिहिलं होतं. तर ‘समंथाचा ‘ऊ अंटावा’ या गाण्यापेक्षा 1000 पटींनी भारी होता’, असं दुसऱ्याने म्हटलं होतं. ‘या गाण्यात ऊ अंटावासारखी खास गोष्ट नाही’, असंही मत नेटकऱ्यांनी नोंदवलं होतं. आता या गाण्यावर समंथाने प्रतिक्रिया दिली आहे.

समंथाने तिच्या इन्स्टाग्राम स्टोरीमध्ये या गाण्याला रिपोस्ट केलंय. त्यात श्रीलीलाला टॅग करत तिने लिहिलं, ‘Killed It.’ समंथाच्या या प्रतिक्रियेवरून हे स्पष्ट होतंय की तिला श्रीलालाचा डान्स आणि गाणं खूपच आवडलंय. यासोबतच तिने पोस्टमध्ये पुढे लिहिलंय, ‘शांतता राखा आणि पुष्पा 2 ची प्रतीक्षा करा.’ पुष्पाच्या सीक्वेलची केवळ भारतातच नाही तर संपूर्ण जगभरात क्रेझ आहे. अमेरिकेत हा चित्रपट प्री-सेल्समध्येही बरेच विक्रम रचतोय. प्री-सेल्समध्येच सर्वांत जलद गतीने दोन दशलक्ष डॉलरची बुकिंग मिळवणारा हा चित्रपट ठरला आहे.

‘पुष्पा 2’मधील या गाण्यासाठी पुन्हा एकदा समंथाला विचारण्यात आलं होतं. मात्र आजारपणामुळे तिने या गाण्याला नकार दिला होता. त्यानंतर अभिनेत्री श्रद्धा कपूरला ऑफर देण्यात आली होती. पण श्रद्धाने मानधन अव्वाच्या सव्वा मागितल्याने अखेर श्रीलीलाची या गाण्यासाठी निवड झाली.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी