समंथाच्या ‘यशोदा’ची उत्सुकता शिगेला; ‘या’ दिवशी प्रदर्शित होणार ट्रेलर
'यशोदा'मध्ये सस्पेन्स-थ्रिलरचा तडका; समंथाच्या हिंदी चित्रपटाची उत्सुकता
मुंबई- दाक्षिणात्य चित्रपटसृष्टीतील लोकप्रिय अभिनेत्री समंथा रुथ प्रभू (Samantha Ruth Prabhu) लवकरच हिंदी चित्रपटसृष्टीत पदार्पण करण्यासाठी सज्ज झाली आहे. समंथाच्या आगामी ‘यथोदा’ (Yashoda) या चित्रपटाची चाहते उत्सुकतेने वाट पाहत आहेत. संपूर्ण देशभरात प्रदर्शित होणाऱ्या या बहुभाषिक चित्रपटाच्या ट्रेलरची नुकतीच घोषणा करण्यात आली आहे. येत्या 27 ऑक्टोबर रोजी यशोदाचा ट्रेलर प्रेक्षकांच्या भेटीला येणार आहे. तर हा चित्रपट 11 नोव्हेंबर रोजी थिएटरमध्ये प्रदर्शित होणार आहे.
‘पुष्पा’ या चित्रपटातील ‘ऊ अंटावा’ या ब्लॉकबस्टर गाण्यामुळे समंथाला देशभरात प्रचंड प्रसिद्धी मिळाली. याशिवाय ‘द फॅमिली मॅन 2’ या वेब सीरिजमध्ये तिने आपल्या दमदार अभिनयकौशल्याची झलक दाखवली. आता यशोदाच्या माध्यमातून समंथा पुन्हा एकदा तिची प्रतिभा प्रेक्षकांसमोर सादर करणार आहे.
समंथाने आतापर्यंत साकारलेल्या भूमिकांपेक्षा अत्यंत वेगळी भूमिका ती यशोदामध्ये साकारणार आहे. हा चित्रपट तमिळ, तेलुगू, कन्नड, मल्याळम आणि हिंदी भाषेत प्रदर्शित होणार आहे. यामध्ये समंथासोबतच वरलक्ष्मी सरथकुमार, उन्नी मुकुंदन यांनी सहकलाकारांच्या भूमिका साकारल्या आहेत.
यशोदा कौन है पता है ना?? ?
Unveiling the fiercest, emotional & Action-packed #YashodaTrailer on 27th Oct @ 5.36 PM?#YashodaTheMovie @Samanthaprabhu2 @varusarath5 @Iamunnimukundan @harishankaroffi @hareeshnarayan #Manisharma @krishnasivalenk @SrideviMovieOff @SanchitaTrivedi pic.twitter.com/pE71VFif95
— Sridevi Movies (@SrideviMovieOff) October 24, 2022
दाक्षिणात्य चित्रपटसृष्टीत सर्वाधिक मानधन घेणाऱ्या अभिनेत्रींच्या यादीत समंथाचा समावेश होतो. केवळ दक्षिणेतच नाही तर संपूर्ण देशभरात तिचा मोठा चाहतावर्ग आहे. पुष्पा या चित्रपटात तिने पहिल्यांदाच आयटम साँग केला होता. ऊ अंटावा हे गाणं आजही तुफान लोकप्रिय आहे.
समंथाने 2010 मध्ये ‘ये माया चेसावे’ या चित्रपटातून करिअरची सुरुवात केली. याच चित्रपटाच्या शूटिंगदरम्यान समंथा आणि नाग चैतन्य एकमेकांच्या प्रेमात पडले. मात्र गेल्याच वर्षी या दोघांनी घटस्फोट घेत असल्याचं जाहीर केलं.
