AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Sayaji Shinde: 2029 निवडणुकीसंदर्भात सयाजी शिंदे यांचं मोठं वक्तव्य; या अहंकारी लोकप्रतिनिधींना..

Sayaji Shinde: सयाजी शिंदे यांनी साताऱ्यातील तारळे इथल्या अदानी प्रकल्पाची पाहणी केली. तिथल्या अनधिकृतपणे वृक्षतोडीचा मुद्दा त्यांनी उपस्थित केला. यावेळी त्यांनी 2029 च्या निवडणुकीविषयीही मोठं वक्तव्य केलं.

Sayaji Shinde: 2029 निवडणुकीसंदर्भात सयाजी शिंदे यांचं मोठं वक्तव्य; या अहंकारी लोकप्रतिनिधींना..
Sayaji ShindeImage Credit source: Instagram
| Updated on: Nov 16, 2026 | 9:52 AM
Share

Sayaji Shinde: सातारा जिल्ह्यातील तारळे इथल्या अदानी प्रकल्पावरून अभिनेता आणि पर्यावरणप्रेमी सयाजी शिंदे यांनी आक्रमक भूमिका घेतली आहे. या प्रकल्पाच्या ठिकाणी प्रत्यक्ष भेट देत त्यांनी पाहणी केली. प्रकल्पासाठी अनधिकृतपणे वृक्षतोड करण्यात आल्याचा तसंच कोट्यवधी रुपयांची फसवणूक झाल्याचा गंभीर आरोप त्यांनी केला आहे. या संपूर्ण प्रकरणावरून त्यांनी सरकार आणि लोकप्रतिनिधींनाही धारेवर धरलं. एवढंच नाही, तर पर्यावरणाच्या प्रश्नांकडे दुर्लक्ष करणाऱ्या अहंकारी लोकप्रतिनिधींना 2029 च्या निवडणुकीत धडा शिकवणार, असा थेट इशाराही सयाजी शिंदे यांनी दिला आहे.

अदानी प्रकल्पाच्या आर्थिक व्यवहारावर प्रश्नचिन्ह

तारळी प्रकल्पाबाबत बोलताना सयाजी शिंदे यांनी आर्थिक व्यवहारावर गंभीर प्रश्न उपस्थित केले. ते म्हणाले की, या प्रकल्पासाठी अदानींकडून 5 हजार 675 कोटी रुपयांचा आकडा दाखवण्यात आला. मात्र, त्यानंतर 500 रुपयांच्या बाँडवर हा प्रकल्प 56.75 कोटी रुपयांचाच असल्याचं लिहून देण्याची तयारी दाखवण्यात आली. त्यामुळे प्रत्यक्षात कमी रक्कम भरली जाईल, असा प्रस्ताव देण्यात आल्याचा आरोप त्यांनी केला. या संपूर्ण व्यवहाराला सरकार, वनविभाग आणि मुख्यमंत्र्यांनी डोळेझाक करून मंजुरी दिली का, असा सवालही त्यांनी उपस्थित केला. या प्रकरणाविरोधात तक्रार केली पाहिजे की नाही, असा प्रश्न त्यांनी उपस्थितांना विचारला.

परवानगी नसताना प्रकल्प पूर्ण कसा झाला?

या प्रकल्पाच्या परवानग्यांवरही सयाजी शिंदे यांनी आक्षेप घेतला. नॅशनल बोर्ड फॉर वाइल्डलाइफची (NBWL) परवानगी मिळाल्याशिवाय प्रकल्प सुरू करता येत नाही, असं त्यांनी म्हटलं. मात्र, प्रत्यक्ष पाहणी केली असता प्रकल्प पूर्ण झाल्याचं दिसून आलं. अद्याप आवश्यक परवानगी मिळालेली नसताना प्रकल्प पूर्ण कसा झाला, असा सवाल त्यांनी उपस्थित केला. यावेळी त्यांनी पर्यावरणमंत्र्यांवरही अप्रत्यक्षपणे निशाणा साधला. संबंधित लोकप्रतिनिधींच्या कार्यपद्धतीवर भाष्य करताना त्यांनी नाराजी व्यक्त केली.

सयाजी शिंदे यांनी केवळ आर्थिक व्यवहार आणि परवानग्यांवरच नव्हे, तर पर्यावरणाच्या मूल्यमापनाच्या पद्धतीवरही प्रश्न उपस्थित केले. पर्यावरण, झाडं, पक्षी आणि प्राण्यांची किंमत तुमच्या लेखी काय आहे? असा सवाल त्यांनी सरकारला केला. 15 इंचांचं झाड असेल तरच त्याला झाड म्हणायचं का? वेली आणि गवताला झाड मानायचं नाही का? असा प्रश्न त्यांनी उपस्थित केला. गवतावरच आपण जगतो. मात्र, गवताची किंमत मोजण्याबाबतही त्यांनी मिश्किल टिप्पणी केली. गवताला ही मंडळी 33 कोटींमध्ये मोजतात, असं ते म्हणाले.

2029 च्या निवडणुकीत धडा शिकवण्याचा इशारा

पर्यावरणाच्या संरक्षणासाठी सर्वप्रथम कायद्यांमध्ये बदल होण्याची गरज असल्याचं सयाजी शिंदे यांनी सांगितलं. विकासाच्या नावाखाली निसर्गाचं नुकसान होता कामा नये. पर्यावरणाला योग्य महत्त्व मिळालं पाहिजे, अशी भूमिका त्यांनी मांडली. पर्यावरणाच्या प्रश्नांकडे दुर्लक्ष करणाऱ्या अहंकारी लोकप्रतिनिधींना 2029 च्या निवडणुकीत धडा शिकवणार, असा इशाराही त्यांनी दिला. त्यांच्या या आक्रमक भूमिकेमुळे तारळे अदानी प्रकल्पाचा मुद्दा पुन्हा चर्चेत आला आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी