‘तुझ्या जेवढ्या गर्लफ्रेंड्स झाल्या नसतील, तेवढे माझे…’, रणबीर कपूरला असं का म्हणाला शाहरुख खान ?
सर्वांसमोर शाहरुख खाने याने काढला रणबीरच्या गर्लफ्रेंडचा विषय; किंग व्हिडीओमध्ये असं काय म्हणाला ज्यामुळे रणबीक पुढे काही बोलूच शकला नाही... व्हिडीओ व्हायरल झाल्यानंतर सर्वत्र चर्चांना उधाण
मुंबई : अभिनेता शाहरुख खान सध्या त्याच्या पठाण सिनेमामुळे चर्चेत आहे. सोशल मीडियावर देखील सर्वत्र किंग खान याच्या पठाण सिनेमाचा बोलबाला पाहायला मिळत आहे. चार वर्षांनंतर शाहरुख खान याने मोठ्या पडद्यावर पदार्पण केल्यामुळे अभिनेत्याला रुपेरी पडद्यावर पाहण्यासाठी चाहत्यांची उत्सुकता शिगेला पोहोचली आहे. बॉक्स ऑफिसवर याचा पुरावा पाहयला मिळत आहे. प्रदर्शनानंतर तीन दिवसांत पठाण सिनेमाने भारतात जवळपास १६० कोटी तर जगभरात ३०० कोटी रुपयांचा आकडा ओलांडला आहे. दरम्यान शाहरुखचा एक जुना व्हिडीओ सोशल मीडियावर तुफान व्हायरल होत आहे.
व्हिडीओमध्ये अभिनेता शाहरुख खान आणि रणबीर कपूर एकमेकांची खिल्ली उडवताना दिसत आहेत. सध्या व्हायरल होत असलेला व्हिडीओ फिल्मफेअर पुरस्कार सोहळ्या दरम्यानचा आहे. व्हिडीओमध्ये शाहरुख रणबीरला म्हणतो, ‘गेल्या दोन वर्षांमध्ये इमरानसोबत तुझी होस्टींग चांगली होती..’ यावर रणबीर शाहरुखचे आभार मानतो.
View this post on Instagram
पुढे शाहरुख खान म्हणतो, ‘तू स्टेजवर मला ओव्हरऍक्टिंग करताना दिसतो, त्यामुळे ओव्हरऍक्टिंग थोडी कमी कर अशी मी तुला विनंती करतो.’ शाहरुख याला उत्तर देत रणबीर म्हणतो, ‘जर मी ओव्हरऍक्टिंग करत असेल तर फिल्मफेअरला आपलं नाव बदलून डॉन २ ठेवावं लागेल..’ अशी खल्ली रणबीरने शाहरुखची देखील उडवली.
पुढे शाहरुख रणबीरला म्हणाला, ‘सांभाळून हिरो… सांभाळून, लहानपणापासून तुझ्या जेवढ्या गर्लफ्रेंड्स झाल्या नसतील, त्याच्यापेक्षा जास्त फिल्मफेअर अवॉर्ड आहेत माझ्याकडे.’ शाहरुख आणि रणबीर यांचा खास व्हिडीओ चाहत्यांचं मनोरंज करत आहे. सध्या पठाण सिनेमासोबतच शाहरुख आणि रणबीर यांच्या व्हिडीओची तुफान चर्चा रंगत आहे.
