AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

भलीमोठी भिंत, उंच प्रवेशद्वार.. एअरपोर्टसारखी सेक्युरिटी.. शाहरुखचा ‘मन्नत’ आतून कसा? अभिनेत्याकडून खुलासा

शाहरुख खानचा मुंबईतील ‘मन्नत’ बंगला हा चाहत्यांसाठी जणू पर्यटनस्थळच आहे. या बंगल्याला आतून पाहण्याची इच्छा सर्वसामान्यांसोबतच काही कलाकारांचीही असते. शाहरुखच्या 'डंकी'मध्ये भूमिका साकारलेल्या एका अभिनेत्याला मन्नत हा बंगला आतून पाहता आला. त्याचा अनुभव त्याने सांगितला.

भलीमोठी भिंत, उंच प्रवेशद्वार.. एअरपोर्टसारखी सेक्युरिटी.. शाहरुखचा 'मन्नत' आतून कसा? अभिनेत्याकडून खुलासा
Shah Rukh Khan MannatImage Credit source: Instagram
| Updated on: Dec 18, 2023 | 3:53 PM
Share

मुंबई : 18 डिसेंबर 2023 | बॉलिवूडचा किंग अर्थात अभिनेता शाहरुख खानचा बहुप्रतिक्षित आणि बहुचर्चित ‘डंकी’ हा चित्रपट लवकरच प्रेक्षकांच्या भेटीला येणार आहे. या चित्रपटात शाहरुखसोबत भूमिका साकारलेला अभिनेता विक्रम कोच्चरने नुकतीच ‘मन्नत’ बंगल्याला भेट दिली. किंग खानच्या घरातला अनुभव कसा होता आणि त्याचा बंगला आतून कसा आहे, याविषयी तो एका मुलाखतीत मोकळेपणे व्यक्त झाला. एअरपोर्टवर ज्याप्रकारची सुरक्षाव्यवस्था असते, तितकीच कडक सुरक्षा तपासणी शाहरुखच्या घरात एण्ट्री करण्यापूर्वी होत असल्याचा खुलासा विक्रमने केला. प्रत्येक गोष्ट मशीनमध्ये स्कॅन करून तपासली जाते.

नुकत्याच दिलेल्या एका मुलाखतीत विक्रम म्हणाला, “शाहरुख खानला पाहिल्यानंतर मी थक्कच झालो होतो. त्याला जेव्हा आम्ही पहिल्यांदा भेटणार होतो, तेव्हा त्याने आम्हाला त्याच्या मन्नत बंगल्यावर बोलावलं होतं. त्याचं घर खूपच सुंदर आहे आणि आम्ही लिफ्टमधून गेलो होते. घरात एण्ट्री करण्यापूर्वी सुरक्षेखातर बरीच तपासणी झाली होती. भलीमोठी भिंत, त्यानंतर मोठं प्रवेशद्वार, लॉबी आणि एअरपोर्टवर तपासणी होती त्याप्रकारची सुरक्षा तपासणी किंवा एखाद्या पंचतारांकित हॉटेलमध्ये जाण्यापूर्वी ज्याप्रकारची चेकिंग होते, तशीच तिथे होते. प्रत्येक गोष्ट स्कॅन केली जाते.”

View this post on Instagram

A post shared by Shah Rukh Khan (@iamsrk)

“आम्ही वर जेव्हा त्याच्या रुममध्ये गेलो, तेव्हा तो आमच्याशी खूप विनम्रतेने वागला. तो प्रत्येक व्यक्तीशी तितक्याच नम्रतेने वागतो. तो तेव्हाच झोपेतून उठला होता. त्याने आम्हा सर्वांची योग्यरित्या काळजी घेतली. शाहरुखमध्ये एक असा खास गुण आहे, ज्यामुळे त्याच्या आजूबाजूला असलेले लोक खूप कम्फर्टेबल होतात. तो खूप मोठा स्टार आहे, असं भासवत नाही. तुम्ही एखादी गोष्ट सुचवली, तर तो ऐकतो आणि चर्चा करण्यासही तयार असतो. शूटिंगदरम्यान अनेकदा तो सहकलाकारांचं ऐकतो आणि त्यानुसार करतो”, असंही तो पुढे म्हणाला. राजकुमार हिरानी दिग्दर्शित ‘डंकी’ या चित्रपटात शाहरुखसोबतच तापसी पन्नू, विकी कौशल आणि बोमन इराणी यांच्याही भूमिका आहेत. हा चित्रपट येत्या 21 डिसेंबर रोजी प्रदर्शित होणार आहे.

1997 मध्ये शाहरुख जेव्हा ‘येस बॉस’ या चित्रपटाची शूटिंग करत होता, तेव्हा त्याची नजर मन्नत बंगल्यावर पडली. त्यावेळी ‘व्हिला विएना’ असं त्या बंगल्याचं नाव होतं. शाहरुखला हा बंगला इतका आवडला की त्याने तो खरेदी करण्याचा निर्णय घेतला. व्हिला विएना या बंगल्याचे मालक गुजराती व्यावसायिक नरीमन दुबाश होते. 2001 मध्ये किंग खाने जवळपास 13.32 कोटी रुपयांमध्ये तो बंगला विकत घेतला होता. आज त्याच मन्नत बंगल्यांची किंमत गगनाला भिडली आहे. या मन्नत बंगल्याचं इंटेरिअर डिझाइन खुद्द गौरी खानने केलं आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी