पलक तिवारी होणार सैफ अली खानची सून? इब्राहिमबद्दल म्हणाली, ‘मला तो आवडतो आणि…’
Palak Tiwari on Ibrahim Ali Khan Relation : सैफ अली खान याची सून होणार श्वेता तिवारीची लेक? इब्राहिमसाठी भावना व्यक्त करत पलक म्हणाली, 'मला तो आवडतो आणि...', सध्या सर्वत्र फक्त आणि फक्त पलक हिच्या वक्तव्याची चर्चा...
Palak Tiwari on Ibrahim Ali Khan Relation : अभिनेत्री श्वेता तिवारी हिची लेक पलक तिवारी आणि अभिनेता सैफ अली खान याचा मुलगा इब्राहिम अली खान याच्या नात्याची गेल्या अनेक वर्षांपासून चर्चा रंगली आहे. अनेकदा दोघांना एकत्र स्पॉट देखील करण्यात आली आहे. ज्यामुळे पलक आणि इब्राहिम एकमेकांना डेट करत असल्याच्या चर्चांनी जोर धरला आहे. दरम्यान नुकताच झालेल्या एका मुलाखतीत पलक हिने इब्राहिम याच्याबद्दल असलेल्या भावना व्यक्त केल्या आहेत.
इब्राहिम अली खान याच्यासोबत असलेल्या नात्याचं सत्य सांगत पलक म्हणाली, ‘मी आणि इब्राहिम फक्त कार्यक्रमांमध्ये भेटतो. आम्ही दोघे रोज संपर्कात नसतो आणि इब्राहिम देखील मला कधी मेसेज आणि कॉल करत नाही. याआधी देखील माझं नाव अनेकांसोबत जोडण्यात आलं.’
पुढे पलक म्हणाली, ‘एक उत्तम व्यक्त म्हणून इब्राहिम मला आवडतो आणि आमच्यामध्ये तसं कोणतंच नातं नाही. तो त्याच्या कामात फार उत्तम आहे आणि लवकरच मोठ्या पडद्यावर पदार्पण करणार आहे…’ असं देखील पलक म्हणाली.
View this post on Instagram
काही दिवसांपूर्वी इब्राहिम अबू जानी आणि संदीप खोसला यांच्या दिवाळी पार्टीत पोहोचला तेव्हा पलकही त्याला भेटायला गेली होती. इब्राहिमने पलक तिवारीला मिठी मारली होती. एवढंच नाही तर इब्राहिमने पलकची तमन्ना भाटिया आणि विजय वर्मा यांच्याशीही ओळख देखील करून दिली. सोशल मीडियावर दोघांचे अनेक फोटो आणि व्हिडीओ व्हायरल होत असतात.
View this post on Instagram
पलक तिवारी आणि इब्राहिम अली खान यांच्या सिनेमांबद्दल सांगायचं झालं तर, पलक हिने अभिनेता सलमान खान स्टारर ‘किसी का भाई किसी की जान’ सिनेमातून बॉलिवूडमध्ये पदार्पण केलं. पलक हिच्या चाहत्यांची संख्या देखील फार मोठी आहे. तर इब्राहिम लवकरच मोठ्या पडद्यावर झळकणार आहे. ‘सरजमी’ सिनेमातून इब्राहिम बॉलिवूडमध्ये पदार्पण करणार आहे.
