Twitter War : ‘शेपूट सरळ होऊ शकत नाही’, कंगना आणि दिलजीतमध्ये पुन्हा एकदा ट्विटर वॉर
अभिनेत्री कंगना रनौत सोशल मीडियावर खूप अ‍ॅक्टिव्ह असते .('Tails can't be straight', Kangana and Diljit once again have a Twitter war)
मुंबई : बॉलिवूड अभिनेत्री कंगना रनौत सोशल मीडियावर खूप अ‍ॅक्टिव्ह असते आणि प्रत्येक विषयावर आपलं मत मांडण्यासाठी ती ओळखली जाते. शेतकरी आंदोलना विरोधात कंगनाचं ट्विट जबरदस्त गाजलं आहे. मात्र, अजूनही या विषयावर तिची ट्विटमालिका सुरुच आहे. कंगना आणि दिलजीतचा वाद आता शांत होणारच तर, कंगनानं आता प्रियांका चोप्रावरसुद्धा निशाना साधला आहे. तिनं ट्विट करत दिलजीत आणि प्रियंका शेतकऱ्यांना भडकवून गायब झाले असल्याचा आरोप केला आहे.
कंगनानं एक व्हिडीओ शेअर करत लिहिलं, ‘ मला वाटतं दिलजीत आणि प्रियांका चोप्रा जे दोघं शेतकऱ्यांसाठी स्थानिक क्रांतिकारक म्हणून पुढे आले, त्यांनी आता कमीत कमी एक व्हिडीओ करत शेतकऱ्यांना हे सांगावं की, आंदोलन कशासाठी करावं. हे दोघंही शेतकऱ्यांना भडकवून गायब झाले आहेत, आणि पाहा शेतकऱ्यांची आणि देशाची आता काय परिस्थिती झाली.’
आता दोन दिवस शांत राहिल्यानंतर दिलजीतनं कंगनाच्या या ट्विटला उत्तर दिलं आहे. ‘शेपूट सरळ होऊ शकत नाही’, असं ट्विट करत त्यानं कंगनाला उत्तर दिलं आहे. आता हा ट्विटर वॉर परत सुरू झाला आहे. यानंतर अभिनेता अंगद बेदीही कंगनावर बरसला आहे. दिलजीतनंही त्याच्या ट्विटला शेअर केलं आहे. आता या गेममध्ये कंगना एकटी पडल्याचं स्पष्ट झालं आहे.
संबंधित बातम्या
