Uorfi Javed | उर्फी जावेद हिची मोठी पलटी, या बाॅलिवूड अभिनेत्याला घाबरते फॅशन क्वीन?, अभिनेत्रीने केला हा मोठा दावा

मुंबई : उर्फी जावेद ही कायमच चर्चेत असते. आपल्या अतरंगी कपड्यांमुळे तिला खास ओळख मिळालीये. उर्फी जावेद (Uorfi Javed) हिने आतापर्यंतच्या करिअरमध्ये अनेक मालिकांमध्ये काम केले आहे. मात्र, उर्फी जावेद हिला खरी ओळख ही बिग बाॅस ओटीटीपासूनच मिळालीये. उर्फी जावेद हिची जबरदस्त अशी फॅन फाॅलोइंग (Fan following) सोशल मीडियावर बघायला मिळते. विशेष म्हणजे उर्फी जावेद ही कायम आपल्या चाहत्यांसाठी सोशल मीडियावर खास फोटो (Photo) शेअर करताना देखील दिसते. काही दिवसांपूर्वी उर्फी जावेद हिला तिच्या कपड्यांमुळे थेट बलात्कार करून जीवे मारण्याची धमकी ही देण्यात आली होती. त्यानंतर त्या व्यक्तीला पोलिसांनी बिहारमधून अटक केली.

काही दिवसांपूर्वी रणबीर कपूर याने उर्फी जावेद हिच्याबद्दल धक्कादायक विधान केले होते. रणबीर कपूर याने उर्फी जावेद हिला बॅड टेस्ट असल्याचे म्हटले होते. मात्र, दुसरीकडे करीना कपूर हिने उर्फी जावेद हिचे काैतुक केले होते. मुलाखतीमध्ये बोलताना उर्फी जावेद हिने देखील रणबीर कपूर याच्याबद्दल मोठे विधान केले.

एका मुलाखतीमध्ये उर्फी जावेद हिने थेट रणबीर कपूर याला भाडमध्ये जाण्याचे म्हटले होते. उर्फी जावेद म्हणाली होती की, करीना कपूर हिने माझे काैतुक केले आहे. बाकी रणबीर कपूर हा भाडमध्ये जावो…आता उर्फी जावेद हिने मोठी पलटी मारल्याचे दिसत आहे. कारण मी हे सर्व फक्त आणि फक्त मजाकमध्ये म्हटल्याचे उर्फी जावेद हिने म्हटले आहे.

उर्फी जावेद हिने नेमकी का पलटी मारली याची चर्चा रंगताना दिसत आहे. सोशल मीडियावर एक पोस्ट शेअर करत उर्फी जावेद हिने आपण फक्त मजाक करत असल्याचे म्हटले आहे. यासोबतच उर्फी जावेद हिने अजून एक पोस्ट सोशल मीडियावर शेअर केलीये. उर्फी जावेद हिची ही पोस्ट पाहून अनेकांना मोठा धक्का बसलाय.

उर्फी जावेद हिने इन्स्टा स्टोरीवर एक व्हिडिओ शेअर केला आहे आणि म्हटले आहे की, माझ्या मजाकमुळे मला कधीतरी मारहाण होईल… एखाद्या दिवशी मला कोणीतरी मारेल…माझ्या कपड्यांमुळे किंवा माझ्या बोलण्यामुळे….आता उर्फी जावेद हिची ही पोस्ट व्हायरल होताना दिसत आहे. उर्फी जावेद हिला कोण मारहाण करणार यावरही जोरदार चर्चा रंगत आहे. आपल्याला मुंबईमध्ये कोणी घर देत नसल्याचे देखील उर्फी जावेद हिने स्पष्ट केले आहे.