Bollywood : बंद क्लासरुम, प्रसिद्ध अभिनेत्री आणि ‘तो’ मुलगा; अनुभव कधीही न विसरता येणारा

मुंबई | 30 डिसेंबर 2023 : शाळेतील काही आठवणी अशा असतात ज्या कधीही विसरता येत नाहीत. एवढंच नाही तर, अनेकदा अशी वेळ येते जेव्हा शाळेतील चांगल्या – वाईट आठवणी ताज्या होतात. सेलिब्रिटी देखील त्यांच्या शाळेतील आठवणी कायम सांगत असतात. आता बॉलिवूडची प्रसिद्ध अभिनेत्रीच्या शाळेतील दिवसांची चर्चा रंगत आहे. ही अभिनेत्री दुसरी तिसरी कोणी नसून अभिनेत्री ट्विंकल खन्ना आहे. ट्विंकल आता बॉलिवूडमध्ये सक्रिय नसली तरी, अनेक कारणांमुळे चर्चेत असते. एका मुलाखतीत ट्विंकल हिने शाळेतील एक आठवण सांगितली होती.

ट्विंकल खन्ना हिने शाळातील तिच्या पहिल्या प्रेमाबद्दल सांगितलं होतं. एक हॅडसम मुलाच्या प्रेमात ट्विंकल होती. शाळेतील क्रशबद्दल सांगत अभिनेत्री म्हणाली, ‘तो माझ्या शेजारी बसला होता. तो शेजारी असल्यामुळे माझ्या मनावर दडपण होतं. तो खूप हॅडसम दिसत होता… देवाने त्याला आरामात वेळ घेऊन बनवलं होतं…’

‘संध्याकाळपर्यंत आम्ही क्लासरुममध्ये बसलो होतो. क्लासरुममध्ये चॉक आणि त्याच्या च्युइंगमचा वास येत होता. अखेर मी त्याला किती वाजले आहेत असं विचारलं. कारण मला रात्रीचं जेवण करायचं होतं. तर तो मुलगा म्हणाला, माझ्या घरी आज पिंक कस्टर्ड बनलं आहे…’

अभिनेत्री पुढे म्हणाली, ‘गप्पा मारून झाल्यानंतर आम्ही दोघे शाळेच्या मेन गेटवर पोहोचलो. पण तोपर्यंत गेट बंद झाले होते. तो उडी मारुन बाहेर पडला. मला उडी मारायला भीती वाटत होती. तेव्हा तो मुलगा म्हणाला, ‘तू उडी मार मी तूला पकडून घेईल….’ अशा प्रकारे ट्विंकल त्या मुलासोबत शाळेच्या बाहेर पडली…

शाळेतील ‘त्या’ मुलाबद्दल सांगताना अभिनेत्री म्हणाली, ‘आज जर आमची रस्त्यात भेट झाली तर, कदाचित मी त्याला ओळखू देखील शकणार नाही…’ सध्या सर्वत्र फक्त आणि फक्त ट्विंकल खन्ना हिची चर्चा रंगली आहे. ट्विंकल आज बॉलिवूडमध्ये सक्रिय नसली तरी, सोशल मीडियावर कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे.

चाहत्यांच्या संपर्कात राहण्यासाठी ट्विंकल कायम स्वतःचे फोटो आणि व्हिडीओ सोशल मीडियावर पोस्ट करत असते. चाहते देखील अभिनेत्रीच्या प्रत्येक पोस्टवर लाईक्स आणि कमेंटचा वर्षाव करत असतात. अभिनेत्री लेकीसोबत देखील फोटो आणि व्हिडीओ पोस्ट करत असते.