Ankita Lokhande | अंकिता लोखंडे हिच्यावर दु:खाचा डोंगर, अत्यंत जवळच्या व्यक्तीने घेतला जगाचा निरोप

मुंबई : पवित्र रिश्ता या मालिकेतून ओळख मिळवणारी अभिनेत्री अर्थात अंकिता लोखंडे (Ankita Lokhande) हिच्यावर दु:खाचा डोंगर कोसळला आहे. अंकिता लोखंडे हिच्या अत्यंत जवळच्या व्यक्तीचे निधन (Passed away) झाले आहे. अंकिता लोखंडे ही कायमच सोशल मीडियावर सक्रिय दिसते आणि मोठी फॅन फाॅलोइंग ही अंकिता लोखंडे हिची बघायला मिळते. आपल्या आयुष्यामध्ये घडणाऱ्या अपडेट अकिंता लोखंडे कायमच आपल्या चाहत्यांसोबत शेअर करताना देखील दिसते.

अंकिता लोखंडे हिच्या वडिलांचे निधन झाले आहे. अंकिता हिच्या वडिलांचे पार्थिव अंत्यदर्शनासाठी इंटरफेस अपार्टमेंटमध्ये ठेवण्यात आले आहे. उद्या ओशिवरा येथे त्यांच्यावर अंत्यसंस्कार केले जाणार असल्याची माहिती मिळत आहे. मात्र, अंकिता लोखंडेच्या वडिलांच्या निधनाचे कारण अद्याप कळू शकले नाहीये.

वडिलांच्या निधनानंतर अंकिता लोखंडे ही पूर्णपणे तुटली असल्याचे सांगितले जात आहे. अंकिता ही तिच्या वडिलांच्या अत्यंत जवळ होती. कायमच सोशल मीडियावर वडिलांसोबतचे खास फोटो शेअर करताना अंकित दिसत असतं. वडिलांच्या निधनाने अंकिता लोखंडे हिला मोठा धक्का बसला आहे.

View this post on Instagram

A post shared by Ankita Lokhande Jain (@lokhandeankita)

अंकिता लोखंडे हिने 2009 मध्ये एकता कपूर हिची मालिका पवित्र रिश्ताच्या माध्यमातून आपल्या करिअरची सुरूवात केली आणि तिला खरी ओळख त्याच मालिकेतून मिळाली. पवित्र रिश्ता मालिकेमध्येच सुशांत सिंह राजपूत आणि अंकिता लोखंडे यांची ओळख झाली. काही वर्षे सुशांत सिंह आणि अंकिताने एकमेकांना डेट केले होते.

फक्त टीव्ही मालिकाच नाही तर अनेक हिट चित्रपटांमध्ये अंकिता लोखंडे ही महत्वाच्या भूमिकेमध्ये दिसली आहे. काही दिवसांपूर्वीच अंकिता लोखंडे ही पती विक्की जैन याच्यासोबत दुसऱ्यांदा लग्न करताना दिसली. याचे काही फोटोही अंकिता लोखंडे हिने सोशल मीडियावर शेअर केले होते. अंकिता लोखंडे हिच्या वडिलांच्या निधनानंतर सर्वांनाच मोठा धक्का बसला आहे.