‘उतरन’ फेम अभिनेत्याच्या भावाचं गंभीर आजाराने निधन; कुटुंबावर दुःखाचा डोंगर

मुंबई : काही वर्षांपूर्वी टीव्ही विश्वातील प्रसिद्ध मालिका ‘उतरन’ तुफान चर्चेत होती. मालिकेने चाहत्यांच्या मनात घर केलं होतं. पण ‘उतरन’ मालिकेत मुख्य अभिनेत्याची भूमिका साकारणाऱ्या नंदीश संधू आणि त्यांच्या कुटुंबावर दुखाःचा डोंगर कोसळला आहे. अभिनेत्याचा भाऊ ओंकार सिंग संधू याचं निधन झालं आहे. ओंकार सिंह संधू याच्या निधनानंतर अभिनेत्याच्या कुटुंबाला देखील मोठा धक्का बसला आहे. ओंकार सिंग संधू यांचं कर्करोगामुळे निधन झालं आहे. २८ एप्रिल रोजी अभिनेत्याच्या भावाने अखेरचा श्वास घेतला. नंदीश याच्या अंत्यसंस्कारासाठी कुटुंब आणि मित्रपरिवार उपस्थित होते… सध्या ओंकार सिंह संधू यांच्या निधनामुळे खळबळ माजली आहे. अनेकांनी त्याला सोशल मीडियाच्या माध्यमातून श्रद्धांजली वाहिली आहे.

नंदीश याने भाऊ ओंकार सिंह संधू याच्या निधनानंतर सोशल मीडियावर एक भावुक पोस्ट शेअर केली आहे. शिवाय अभिनेत्याने भावाचा एक फोटो देखील पोस्ट केला आहे. पोस्ट शेअर करत अभिनेत्याने कॅप्शनमध्ये, ‘असाच स्मरणात राहा… नेहमी हसत राहा, जगात आनंद पसरवत राहा, आमच्या आयुष्यात कायम राहा, तू खरा सेनानी आहेस. जगाच्या पलीकडे कधीतरी भेटूया, तू मला लढायला शिकवलंस. असं अभिनेत्याने लिहिलं आहे.

View this post on Instagram

A post shared by NANDISH SINGH SANDHU (@nandishsandhu)

सोशल मीडियाच्या माध्यमातून अभिनेत्याने स्वतःचं दुःख चाहत्यांसोबत शेअर केलं. सध्या अभिनेत्याची पोस्ट सोशल मीडियावर तुफान व्हायरल होत आहेत. अभिनेत्या पोस्टवर चाहते देखील कमेंट करत भावना व्यक्त करत आहेत. चाहते देखील अभिनेत्याच्या भावाला सोशल मीडियाच्या माध्यमातून श्रद्धांजली वाहत आहेत.

कॉमेडियन भारतीने नंदिशच्या भावाच्या निधनाबद्दल शोक व्यक्त केला. तिने लिहिलं- ‘RIP’. अभिनेत्री अंकिता लोखंडे हिने देखील भावना व्यक्त केल्या आहेत. अभिनेत्री म्हणाली, ‘त्यांच्या आत्म्याला शांती लाभो, नंदिश, तुला या दु:खाशी लढण्याचे बळ मिळो. खंबीर राहा.’

अभिनेत्री आकांक्षा पुरी हिने लिहिलं- हे खूप मोठं नुकसान आहे, हे जाणून खूप दुःख झालं, या कठीण काळात तुमच्या कुटुंबाला बळ मिळो. शरद मल्होत्रा ​​याने दुःख व्यक्त करत लिहिलं, ओम शांती. सध्या सर्वत्र अभिनेता नंदीश आणि त्याच्या पोस्टची चर्चा रंगत आहे.