Video | चक्क जयपूरमध्ये कतरिना कैफ हिला सोडून ‘या’ अभिनेत्रीसोबत शॉपिंग करताना दिसला विकी काैशल, व्हिडीओ पाहून चाहत्यांना धक्का

मुंबई : बाॅलिवूड अभिनेत्री सारा अली खान (Sara Ali Khan) ही सध्या जोरदार चर्चेत आहे. सारा अली खान आणि विकी काैशल यांचा जरा हटके जरा बचके हा चित्रपट 2 जून रोजी प्रेक्षकांच्या भेटीला येणार आहे. निर्मात्यांना या चित्रपटाकडून प्रचंड अशा अपेक्षा आहेत. मुळात म्हणजे गेल्या काही दिवसांपासून बाॅलिवूडचे चित्रपट हे बाॅक्स आॅफिसवर (Box office) धमाका करत नाहीयेत. याला फक्त पठाण हा चित्रपट अपवाद ठरलाय. आता जरा हटके जरा बचके हा सारा आणि विकीचा चित्रपट काय धमाका करतो हे पाहण्यासारखे ठरणार आहे. सध्या सारा अली खान आणि विकी काैशल (Vicky Kaushal) हे चित्रपटाचे प्रमोशन जोरदार करताना दिसत आहेत.

सारा अली खान ही अजमेर शरीफ दर्ग्यात पोहचली होती. ज्याचे अनेक फोटो आणि व्हिडीओ तूफान व्हायरल होताना दिसले. आता नुकताच सारा अली खान हिने राजस्थानमधील काही व्हिडीओ हे सोशल मीडियावर शेअर केले आहेत. सारा अली खान हिच्या या व्हिडीओमध्ये विकी काैशल हा देखील दिसत आहे.

या व्हिडीओमध्ये सारा अली खान आणि विकी काैशल यांचे राजस्थानमध्ये जोरदार स्वागत केल्याचे दिसत आहे. इतकेच काय तर चुलीवर भाकरी भाजताना सारा अली खान आणि विकी काैशल हे दिसत आहेत. सारा अली खान हिने हे व्हिडीओ शेअर करताना कॅप्शनमध्ये लिहिले की, सौम्या आणि कपिल जयपुरमध्ये.

View this post on Instagram

A post shared by Sara Ali Khan (@saraalikhan95)

या व्हिडीओमध्ये सर्वात अगोदर सारा अली खान ही जयपुरमध्ये खरेदी करताना दिसत आहे. राजस्थानी बांधनीचे दुप्पट्टे खरेदी करताना सारा अली खान ही दिसत आहे. इतकेच नाही तर राजस्थानी जूते खरेदी करताना सारा आणि विकी हे दोघेही दिसत आहेत. जयपूरच्या हवा महल समोरही पोज देताना विकी काैशल आणि सारा अली खान हे दिसत आहेत.

चाहते मोठ्या प्रमाणात या व्हिडीओमध्ये कमेंट करताना दिसत आहेत. सारा अली खान ही गेल्या काही दिवसांपासून तिच्या पर्सनल लाईफमुळेही चर्चेत आहे. सारा अली खान ही कार्तिक आर्यन याला डेट करत असल्याचे सांगितले जात होते. मात्र, काही कारणामुळे यांचे ब्रेकअप झाले. सध्या सारा अली खान हिचे नाव शुभमन गिल याच्यासोबत जोडले जात आहे.