अमृताला पोटगी म्हणून सैफने दिली होती तब्बल इतकी मोठी रक्कम; म्हणाला “माझ्याकडे काहीच उरलं नव्हतं”
सैफ आणि करीना 'टशन' या चित्रपटाच्या सेटवर एकमेकांच्या प्रेमात पडले. या दोघांनी ऑक्टोबर 2012 मध्ये लग्न केलं. सैफ आणि करीनाला दोन मुलं आहेत. तर सारा आणि इब्राहिम यांचंही करीनासोबत चांगलं नातं पहायला मिळतं.
मुंबई : अभिनेता सैफ अली खान सध्या करीना कपूरसोबतच्या वैवाहिक आयुष्यात फार खुश आहे. या दोघांना तैमुर आणि जहांगीर ही दोन मुलं आहेत. सैफचं पहिलं लग्न अभिनेत्री अमृता सिंगसोबत झालं होतं. अमृता आणि सैफला सारा अली खान आणि इब्राहिम खान ही दोन मुलं आहेत. लग्नाच्या वेळी सैफ फक्त 21 वर्षांचा होता आणि त्यावेळी अमृता त्याच्यापेक्षा वयाने मोठी होती. मात्र 13 वर्षांच्या संसारानंतर दोघांनी विभक्त होण्याचा निर्णय घेतला. घटस्फोटानंतर 2005 मध्ये दिलेल्या एका मुलाखतीत सैफ त्याच्या लग्नाविषयी मोकळेपणे व्यक्त झाला होता.
2004 मध्ये सैफ आणि अमृताने घटस्फोट घेतला. वैवाहिक आयुष्यात अत्यंत अपमानास्पद वागणूक मिळाल्याचा खुलासा सैफने एका मुलाखतीत केला होता. “मी नालायक आहे असं मला सतत म्हटलं गेलं. माझ्या आई आणि बहिणीवरूनही सतत मला टोमणे मारले गेले. मला शिवीगाळ करण्यात आली”, असा धक्कादायक खुलासा त्याने केला होता. घटस्फोटानंतर सैफला सारा आणि इब्राहिम या दोन्ही मुलांचा ताबा हवा होता, मात्र त्यासाठी भांडणं त्याला पटलं नाही. अमृताने मुलांची नावं सारा सिंग किंवा इब्राहिम सिंग अशी ठेवली तरी मला काहीच समस्या नाही, असंही त्याने म्हटलं होतं.
घटस्फोटानंतर अमृताला दिल्या जाणाऱ्या पोटगीबाबतही त्याने या मुलाखतीत खुलासा केला होता. पोटगी म्हणून सैफला पाच कोटी रुपये द्यायचे होते आणि त्यापैकी अडीच कोटी रुपये त्याने आधीच अमृताला दिले होते. त्याचप्रमाणे इब्राहिम 18 वर्षांचा होईपर्यंत सैफला दर महिन्याला एक लाख रुपये द्यावे लागले.
View this post on Instagram
पोटगीबद्दल सैफ म्हणाला, “मी काही शाहरुख खान नाही. माझ्याकडे एवढा पैसा नव्हता. उरलेले सर्व पैसे मी तिला देणार असल्याचं आश्वासन दिलं होतं. मी जाहिराती, चित्रपट आणि स्टेज शोजमधून जेवढा पैसा कमावला होता, ते सर्व माझ्या मुलांसाठी मी अमृताला देऊन टाकलं. माझ्याकडे काहीच उरलं नव्हतं. एकवेळ मला लाजेनं मरू द्या. पण मला सतत अपराधीपणाच्या भावनेनं मारू नका. कारण अखेर मी अशा नात्यापासून दूर जाण्याचं धैर्य केलं होतं.”
सैफ आणि करीना ‘टशन’ या चित्रपटाच्या सेटवर एकमेकांच्या प्रेमात पडले. या दोघांनी ऑक्टोबर 2012 मध्ये लग्न केलं. सैफ आणि करीनाला दोन मुलं आहेत. तर सारा आणि इब्राहिम यांचंही करीनासोबत चांगलं नातं पहायला मिळतं.
