19 व्या वर्षी कशी दिसायची जीनत अमान, 70 च्या दशकातील अभिनेत्रीचे 15 बोल्ड फोटो व्हायरल
बॉलिवूडमधील सर्वात सुंदर आणि बेधडक स्वभाव असणारी अभिनेत्री म्हणजे जीनत अमान. 19 व्या वर्षी कशी दिसायची? 70 च्या दशकातील बोल्ड फोटो पाहून सर्वच थक्क.
Zeenat Aman Bold Photo : भारतीय चित्रपटसृष्टीतील धाडस आणि वेगळेपण यांचा संगम म्हणजे जीनत अमान. 1970 च्या दशकात त्यांनी हिंदी सिनेमातील नायिकेची परिभाषाच बदलून टाकली होती. 19 नोव्हेंबर 1951 रोजी जन्मलेल्या जीनत यांनी पारंपरिक सौंदर्याच्या चौकटीत कधीच स्वतःला बांधून घेतले नाही. उंच बांधा, गोरा रंग, मोठे डोळे आणि बेधडक स्वभाव या सगळ्यामुळे त्या पडद्यावर एखाद्या वादळासारख्या झळकल्या.
केवळ 19 व्या वर्षी त्यांनी The Evil Within या चित्रपटातून पदार्पण केले. त्यानंतर 1971 मध्ये ‘हंगामा’ आणि ‘हलचल’सारख्या चित्रपटांमध्ये काम करत त्यांनी आपली उपस्थिती दाखवून दिली. मात्र, त्यांना खरी ओळख मिळाली राज कपूर यांच्या सत्यम शिवम सुंदरम या चित्रपटातून. या चित्रपटात त्यांनी ‘रूपा’ ही भूमिका साकारली. चित्रपट वादात सापडला पण जीनत यांच्या सौंदर्याने आणि आत्मविश्वासाने प्रेक्षकांना अक्षरशः वेड लावले.
धाडसी भूमिकांची परंपरा
यानंतर त्यांनी दोस्ताना आणि इंसाफ का तराजू यांसारख्या चित्रपटांमध्ये अशा भूमिका केल्या, ज्या त्या काळात कोणतीही मुख्य अभिनेत्री करण्यास घाबरत होत्या. हरे रामा हरे कृष्णा या चित्रपटातील ‘जॅस्मिन’ ही भूमिका आजही प्रेक्षकांच्या लक्षात आहे. दम मारो दम या गाण्याने आणि त्यांच्या हिप्पी लुकने त्यांना रातोरात स्टार बनवले. देव आनंद यांनी दिलेल्या या संधीचे त्यांनी सोने केले आणि मागे वळून पाहिलेच नाही.
कुर्बानी मधील ग्लॅमरस ‘शहजादी’, धुंध मधील सिगारेट ओढणारी नायिका, आणि यादों की बारात मधील डिस्को डान्सर प्रत्येक भूमिकेत त्यांनी वेगळेपण जपले. 80 च्या दशकात डिंपल कपाडिया आणि श्रीदेवी यांसारख्या नव्या अभिनेत्रींचा उदय झाला तरीही जीनत अमान यांची लोकप्रियता कमी झाली नाही. त्यांनी ग्लॅमर आणि अभिनयाचा असा संगम सादर केला जो त्या काळात दुर्मीळ होता.
वैयक्तिक आयुष्य
वैयक्तिक आयुष्यातही त्या तितक्याच बेधडक राहिल्या. त्यांनी मजहर खान यांच्याशी विवाह केला. त्यानंतर मुलांचा सांभाळ त्यांनी एकट्याने केला. आज त्या सोशल मीडियावर सक्रिय असून नव्या पिढीसाठी प्रेरणास्थान ठरत आहेत.
74 व्या वर्षीही जीनत अमान इंस्टाग्रामवर सक्रिय असून लाखो तरुणांसाठी प्रेरणा आहेत. त्या केवळ अभिनेत्री नसून एक क्रांती होत्या. ज्यांनी महिलांना धाडसी, बिंदास आणि आत्मविश्वासाने जगण्याचा संदेश दिला.
