शुगर लेव्हल नियंत्रित करण्यासाठी ‘ही’ योगासने 50 मिनिटे करा, निरोगी राहा
मधुमेह हा विषय नेहमीच चिंतेचा आहे. पण, आता एक नवं संशोधन समोर आलं आहे. एम्स नवी दिल्लीतील डॉक्टरांनी मधुमेहाच्या रुग्णांवर संशोधन केले आहे. रोज 50 मिनिटे योगा केल्याने साखरेची पातळी नियंत्रणात ठेवता येते, असे आढळून आले आहे. चला तर मग जाणून घेऊया कोणत्या योगासनांमुळे साखर नियंत्रणात राहते.
आपल्या शरीरातील साखरेची पातळी वाढल्याने मधुमेह होतो. भारतात या आजाराचे 10 कोटींहून अधिक रुग्ण आहेत. मधुमेह नियंत्रित करण्यासाठी लोक औषधे घेतात, परंतु काही योगासने अशी आहेत जी साखरेची पातळी नियंत्रित ठेवू शकतात. याचविषयी आम्ही माहिती देणार आहोत.
दिल्ली एम्सच्या डॉक्टरांनीही याबाबत संशोधन केले आहे. रोज 50 मिनिटे योगा केल्याने साखरेची पातळी नियंत्रित होऊ शकते, असा दावा संशोधनात करण्यात आला आहे.
एम्स नवी दिल्लीच्या सेंटर फॉर कम्युनिटी मेडिकल सायन्सेसचे प्राध्यापक आणि मधुमेह आणि योग कार्यक्रमाचे प्रमुख अन्वेषक डॉ. पुनीत मिश्रा सांगतात की, योगामुळे साखरेची पातळी नियंत्रित होण्यास मदत होते. मधुमेहाच्या रुग्णांना त्यांच्या शरीरातील HB 1 ची पातळी कमी करण्यासाठी तीन महिन्यांचा योग देण्यात आला आहे. या रुग्णांना औषधांसह योग देण्यात आला आणि काही रुग्णांनी योग केला नाही, ज्यांनी योगा केला त्यांची शुगर लेव्हल नियंत्रित होती.
संशोधनात 50 मिनिटांचा योग आराखडा तयार करण्यात आला आहे. जे साखरेची पातळी नियंत्रित करण्यासाठी फायदेशीर असल्याचे आढळले आहे. या योगासनांमधील काही प्रमुख योगासनेही आहेत. ही सर्व आसने एका वेळी एक मिनिट करावी लागतात.
मार्जरी आसन
मार्जरी आसनाला कॅट पोज असेही म्हणतात. प्रथम वज्रासनात बसा. दोन्ही हात मांड्यांवर ठेवा. आपले पाय खांद्याइतकेच अंतरावर ठेवा आणि गुडघ्यावर उभे राहा. दोन्ही हात पुढे ठेवून चटईवर बोटे उघडा आणि आता श्वास घेताना कंबर खाली दाबा आणि श्वास सोडताना कंबर वरच्या बाजूला ताणून घ्या. ही प्रक्रिया 30-35 वेळा पुन्हा करा.
कटिचक्रासन
कटिचक्रासन करण्यासाठी प्रथम सरळ उभे रहा आणि आपले दोन्ही पाय खांद्याइतके उघडा. दोन्ही हात डावीकडे आणि उजवीकडे ठेवा. श्वास घेताना हात समोर उचलून खांद्याच्या रांगेत आणा आणि आता आपली कंबर उजवीकडे फिरवा, आपले दोन्ही हात उजवीकडे हलवा आणि डाव्या हाताने उजव्या खांद्याला स्पर्श करण्याचा प्रयत्न करा
अर्ध कटिचक्रासन
हे आसन करण्यासाठी सर्वप्रथम उभे राहून आपले हात शरीराच्या जवळ ठेवा. आता उजवा हात खांद्यासमोर आणून पुढे खेचून घ्या. श्वास घ्या आणि आपला हात वर करा आणि कानाजवळ ठेवा. आता श्वास सोडा आणि डावीकडे वाका. या आसनात थोडा वेळ राहा. श्वास सोडा आणि हळूहळू पुन्हा सामान्य पणे उभे राहा.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
