Diabetes : मधुमेह हा भारतात मोठ्या प्रमाणात वाढत चालला आहे. अगदी कमी वयात देखील लोकांना मधुमेह होत आहे. भारत आता मधुमेहाची राजधानी झाला आहे. व्यक्तीच्या शरीरात इन्सुलिनचा योग्य वापर होत नाही किंवा ते आवश्यकतेपेक्षा कमी प्रमाणात सोडले जाते. त्यामुळे रक्तातील साखरेचे प्रमाण वाढू लागते. यालाच मधुमेह असे म्हणतात. मधुमेहाच्या आजारात आवळा हा महत्त्वाचा ठरु शकतो. आवळा हा पोषक तत्वांनी युक्त असं फळ आहे. यामध्ये व्हिटॅमिन सी, फायबर, फोलेट, फॉस्फरस, कार्ब्स, मॅग्नेशियम, कॅल्शियम, लोह आणि अँटी-ऑक्सिडंट्स हे पोषक घटक असतात. त्यामुळे मधुमेहाच्या रुग्णांसाठी हे खूप फायदेशीर ठरू शकते.
आवळा आपल्या शरीराला अनेक प्रकारचे पोषण देतात. त्यामुळे आपण निरोगी राहतो. आवळा खाल्ल्याने अनेक आरोग्याचे फायदे मिळतात, ज्यामुळे रक्तातील साखरेची पातळी राखण्यात खूप मदत होते. जाणून घ्या काय आहेत त्याचे फायदे.
आवळा सुकवून त्याची पावडर तयार करु शकता. किंवा बाजारात देखील ती उपलब्ध असते. ही पावडर तुम्ही स्मूदी, दही किंवा दलियामध्ये मिसळून खाऊ शकता. आवळा त्याच्या पौष्टिक गुणांमध्ये आरोग्यासाठी फायदेशीर ठरतो.
आवळा बारीक करून त्याचा रस काढून त्यात थोडे काळे मीठ मिसळून सकाळी रिकाम्या पोटी सेवन करणे फायदेशीर ठरते. यामुळे रक्तातील साखरेची पातळी नियंत्रित राहण्यास मदत होते.
आवळे हलकी वाफवून त्यात तिखट, हळद, मोहरी, बडीशेप, जिरे, सेलेरी यांसारख्या मसाल्यांनी मॅरीनेट करा आणि चवीनुसार मीठ घालून चांगले मिसळा आणि लोणचे तयार करा. जेवणात चव वाढवण्यासोबतच रक्तातील साखरेची पातळी राखण्यास मदत होते.
हिरवी मिरची, लसूण, आले, पुदिन्याची पाने आणि चवीनुसार मीठ घालून उकडलेल्या आवळ्यात बारीक करून चटणी तयार करा. तुम्ही दिवसाच्या कोणत्याही वेळी तुमच्या जेवणासोबत ते आरामात खाऊ शकता. हे पचनासाठीही खूप फायदेशीर आहे.
किसलेला आवळा गाजर, बीटरूट, काकडी, मुळा, आले आणि काही हिरव्या पालेभाज्या मिसळून सॅलड तयार करा. त्यामुळे जेवणाची चव वाढेल.