उन्हाळ्यात डायबिटीज वाढतो, हे तुम्हाला माहिती आहे का?; ‘असा’ करा डायबिटीज मॅनेज

नवी दिल्ली : आजकाल मधुमेह (Diabetes)  ही एक कॉमन समस्या झाली आहे. या आजाराने ग्रस्त असलेल्या लोकांना वारंवार भूक अथवा तहान लागू शकते, त्यामुळे त्यांनी योग्य डाएटचे पालन केले पाहिजे. मधुमेहाचे दोन प्रकार असतात – टाइप 1 आणि टाइप 2. मधुमेहाने ग्रस्त असलेल्या लोकांसाठी प्रत्येक ऋतू हा नवं आव्हान घेऊन येतो. ज्या लोकांना मधुमेह आहे, त्यांच्या शरीरातून पाणी (water) वेगाने निघून जाऊ शकते. कारण हाय शुगर असल्याने त्यांना वारंवार लघवी लागू शकते. यामुळे मधुमेहाचे रुग्ण डिहायड्रेशनचे (dehydration) बळी होऊ शकतात.

तज्ज्ञांच्या सांगण्यानुसार, उन्हाळ्यात्या ऋतूमध्ये मधुमेह अथवा डायबिटीज मॅनेज करणे अत्यंत महत्वाचे आहे. त्यासाठी तज्ज्ञांनी सांगितलेल्या काही टिप्सचे पालन करणे फायदेशीर ठरू शकते.

उन्हाळ्यात मधुमेह कसा मॅनेज करावा ?

ॲक्टिव्ह रहा

उन्हाळ्यात मधुमेह मॅनेज करायचा असेल तर ॲक्टिव्ह राहणे महत्वाचे आहे. हे सर्वात उत्तम ठरते. मधुमेह नियंत्रणात ठेवण्यासाठी सकाळी अथवा संध्याकाळी किमान अर्धा तास चालण्याचा प्रयत्न करा. तसेच जेवणानंतर 1 ते 3 तासांनंतर चालणे ही अतिशय योग्य वेळ आहे.

फायबर युक्त पदार्थ खा

मधुमेह ग्रस्त लोकांनी हाय फायबर डाएट घेतले पाहिजे. ज्या पदार्थांमध्ये फायबर जास्त असते ते पचन स्लो करते आणि ब्लड शुगर स्पाइक्स थांबवते. असे पदार्थ खाण्याने वजन कमी होण्यासही मदत होते. ओट्स , ब्राऊन राइस, फळं, सुकामेवा, भाज्या यांचा त्यात समावेश होतो.

गोड पेय पिणे टाळावे

उन्हाळ्यात फ्रेश वाटावं म्हणून अनेक लोकं फ्रेश ज्यूस किंवा स्मूदी पिणं पसंत करतात. मात्र ज्यूस हे फायबर समृद्ध नसतात व त्यात नैसर्गिक साखर जास्त असल्यावे ग्लूकोज लेव्हल वाढू शकते, हे मधुमेहग्रस्तांनी लक्षात ठेवावे.

हायड्रेटेड रहावे

शरीरातील अतिरिक्त साखर काढण्यास मदत करण्यासाठी किडनीला जास्त लघवी तयार करणे गरजेचे असते. पाणी प्यायल्याने रक्तातील साखर कमी होण्यास मदत मिळू शकते. अशा परिस्थितीत उन्हाळ्यात भरपूर पाणी पिऊन हायड्रेटेड रहावे.

शुगर लेव्हल चेक करत रहावी

टाइप 1 आणि टाइप 2 मधुमेह नियंत्रणात ठेवण्यासाठी दररोज शुगर लेव्हल चेक करणे महत्वाचे ठरते.