Shakib Al Hasan : शेख हसीना यांच्या भाषणानंतर बांग्लादेशमध्ये मोठा राडा, क्रिकेटर शाकिब अल हसनच्या घरावर पेट्रोल बॉम्बने हल्ला

बांग्लादेशच्या माजी पंतप्रधान शेख हसीना यांच्या प्रेस कॉन्फ्रेंसमध्ये वर्चुअली सहभागी होणं, बांग्लादेश क्रिकेट संघाच्या माजी कर्णधाराला चांगलचं महाग पडलं आहे. शेख हसीना यांच्या पत्रकार परिषदेनंतर काही तासांनी शाकिब अल हसन याच्या वडिलोपार्जित घरावर पेट्रोल बॉम्बने हल्ला करण्यात आला. बुधवारी रात्री ही घटना घडली. शाकिब अल हसन बांग्लादेश क्रिकेट संघाचा माजी कर्णधार आणि अवामी लीग पक्षाचा माजी खासदार आहे. मागुरा शहरातील केशवमोर भागातील शाकिब अल हसनच्या वडिलोपार्जित घरावर हा हल्ला झाला. घरात तोड-फोडही करण्यात आली. काल दिल्लीच्या फॉरेन कॉरेस्पोंडेंट्स क्लबमध्ये शेख हसीना यांची पत्रकार परिषद पार पडली. त्यावेळी शाकिब अल हसन वर्चुअली सहभागी झाला होता. पत्रकार परिषदेनंतर काहीवेळाने शाकिबच्या घरावर हल्ला झाला.

बांग्लादेशच्या परराष्ट्र मंत्रालयाने शेख हसीना यांच्या या पत्रकार परिषदेवर नाराजी व्यक्त केली. पत्रकार परिषदेआधी BNP, इस्लामी जमात आणि NCP यांनी नॅशनल मीडियाला खुलेआम धमकी दिली होती. प्रेस कॉन्फ्रेंसच्या बातम्या छापल्या तर ते कोर्टात जातील व खटला दाखल करतील. अवामी लीगने या हिंसाचारावर प्रतिक्रिया दिली आहे. “ही विचारपूर्वक केलेली कृती आहे. अवामी लीगच्या कार्यकर्त्यांविरुद्ध सुरु असलेल्या नरसंहार अभियानाचा एक पुरावा आहे” बुधवारी शेख हसीना सरकारच्या सत्तापालटाला दोन वर्ष पूर्ण झाली. ‘मी डिसेंबर महिन्यात बांग्लादेशमध्ये परत जाणार’ असं शेख हसीना यांनी या पत्रकार परिषदेत जाहीर केलं आहे.बांग्लादेशात परत लोकशाही आणण्यासाठी अटक किंवा मृत्यू दोघांचा सामना करण्यासाठी त्या तयार आहेत.

Torching residences : the cost of attending Awami League press conference Neo fascism engulfs Bangladesh

A grisly petrol bomb attack took place at the residence of Bangladesh’s celebrated cricket icon Sakib Al hasan, hours after the world famous star cricketer appeared at a… pic.twitter.com/Uqmwwih3XG

— Bangladesh Awami League (@albd1971) August 5, 2026

मला माहितीय तिथे माझ्यासोबत काय होऊ शकतं

“माझं बांग्लादेशात परतणं हे फक्त सत्तेसाठी नाहीय, तर बांग्लादेशला पुन्हा विकास, धर्मनिरपेक्षता आणि समृद्धीच्या मार्गावर आणण्यासाठी मी परतणार आहे” असं शेख हसीना म्हणाल्या. शेख हसीना आता 78 वर्षांच्या आहेत. परतल्यानंतर तिथे कुठल्या परिस्थितीचा सामना करावा लागेल त्याची शेख हसीना यांना कल्पना आहे. “मला माहितीय, ते मला जेलमध्ये टाकू शकतात किंवा मारु शकतात. मला आपल्या लोकांमध्ये रहायचय म्हणून मी परत जाणार आहे. मी परतण्याचा निर्णय घेतलाय आणि मी बांग्लादेशात जाणार” असं शेख हसीना म्हणाल्या.