‘कैलासा’ नंतर आता आणखी एका मायक्रो देशाची निर्मिती, नाव आहे ‘रिपब्लिक स्लोजामस्तान’ कुठे आहे हा देश

मुंबई : भारतातून पसार झालेल्या स्वामी नित्यानंद ( Nityanand ) याच्या ‘कैलासा’ ( kailasa ) या हिंदू देशाची खूपच चर्चा मागे सर्वत्र सुरु होती. आता याच धर्तीवर अमेरिकेतील ( Randy Williams – R Dub) रॅंडी विल्यम्स या डीजेने एका नवीन देशाची स्थापना केली आहे. जगभराला कोरोना साथीच्या काळात निर्बंधामुळे घरात कोंडून पडावे लागले होते, तेव्हा या डीजेने जर आपल्याला कुठल्याच देशात जाता येत नाही तर स्वत:चा स्वतंत्र देश का नाही स्थापन करावा असे मानून या मायक्रोनेशनची स्थापना केल्याचे डीजेचे म्हणणे आहे.

Watch ABC News feature here:https://t.co/GQpUdYUXog

— Republic of Slowjamastan (@slowjamastan) March 9, 2022

अमेरिकेतील सॅन दिएगो येथील एका डीजेने स्वत:चा स्वतंत्र देश जाहीर केला आहे. अवघ्या 11.07 एकर क्षेत्रफळ असलेल्या या देशाचा सुल्तान म्हणून त्याने स्वत:ला घोषीत केले आहे. या नव्या देशाचे नाव ‘स्लोजामस्तान’ असे ठेवण्यात आले आहे. रॅंडी ‘आर डब’ ! या डीजेने अमेरिकेतील कॅलिफोर्नियाच्या वाळवंटातील 11.07 एकर क्षेत्रफळाची जागा विकत घेऊन या देशाची निर्मिती केली आहे. या छोट्याशा देशाचे अधिकृत चलन देखील आहे. त्याचे नाव ‘दि डुबल’ असे ठेवण्यात आले आहे. या देशाने 1 डीसेंबर 2021 रोजी रात्री 12.26 वाजता आपण अमेरिकेपासून आपण स्वतंत्र झाल्याचे जाहीर केले आहे.

संयुक्त राष्ट्रसंघात कैलासाचा प्रतिनिधी

एका बलात्कार प्रकरणात फरार असलेला आरोपी स्वामी नित्यानंद याने कैलासा नावाचा देश स्थापन केल्याचा दावा करुन तो चर्चेत आला होता. या देशाची राजदूत म्हणून नित्यानंद याची शिष्या विजयप्रिया हिने नुकतिच संयुक्त राष्ट्र परिषदेच्या बैठकीला हजेरी लावत सर्वांना आश्चर्यचकीत केले होते. त्यामुळे स्वामी नित्यानंद पुन्हा चर्चेत आला होता. विजयप्रियाने स्वतःला ‘युनायटेड स्टेट्स ऑफ कैलास’ चे प्रतिनिधी म्हटले. संयुक्त राष्ट्रसंघात कैलासाची ती कायमस्वरूपी प्रतिनिधी म्हणून या बैठकीला उपस्थित होती.

नित्यानंदचा कैलासा कसा

भारतातून फरार झाल्यानंतर, नित्यानंदने दक्षिण अमेरिकेतील इक्वाडोरमध्ये जमीन खरेदी केली आणि कैलासा नावाचा देश घोषित केला. त्याला ‘कैलास’ असे नाव देण्यात आले. जगातील हिंदू धर्म मानणारे 200 कोटी लोक या देशाचे नागरिक आहेत. कैलासा स्वतःचे संविधान असून येथे धर्मग्रंथ आणि मनुस्मृतीवर आधारित कायदा चालतो. कैलासमध्ये इंग्रजी, संस्कृत आणि तमिळ भाषा बोलल्या जातात. देशाचा राष्ट्रीय प्राणी ‘नंदी’ आहे. देशाचे राष्ट्रीय फूल ‘कमळ’ आणि राष्ट्रीय वृक्ष ‘वट’ आहे.