Israel Iran War : इस्रायलला मानलं, इराणला मोठा झटका, सर्वात मोठ्या शत्रूला कसं सपंवलं तो VIDEO बघा
Israel Iran War : इस्रायलपासून 1000 किलोमीटर लांब अंतरावर पश्चिम इराणमध्ये प्रवास करत असताना या शत्रूला संपवण्यात आलं. इराणच्या गुप्तचर यंत्रणा त्याच्या मागावर होत्या. त्यांच्या अथक प्रयत्नांमुळे त्याची अचूक माहिती मिळाली.
इराण विरुद्ध सुरु केलेल्या युद्धात इस्रायलला सर्वात मोठ यश मिळालं आहे. दहशतवादी संघटनांच्या माध्यमातून इस्रायलला वारंवार जखमी करण्यात ज्याची महत्त्वाची भूमिका होती, त्यालाच इस्रायलने संपवून टाकलय. इस्रायल डिफेन्स फोर्सने शनिवारी बेहनाम शाहरियारीला संपवल्याची घोषणा केली. तो इस्लामिक रिव्होल्युशनरी गार्ड कॉर्प्सच्या कुद्स फोर्सचा कमांडर होता. शस्त्रांच ट्रान्सफर करणाऱ्या युनिटची जबाबदारी त्याच्याकडे होती. बेहनाम शाहरियारीसोबत सईद इझादी वरिष्ठ IRGC कमांडर त्याचा सुद्धा खात्मा झाला आहे. मध्य पूर्वेत इराणने इस्रायल विरोधात जे दहशतवादी संघटनांच जाळं उभं केलेलं, त्यांना शस्त्रास्त्र पुरवठयाची जबाबदारी या बेहनाम शाहरियारीवर होती. एकप्रकारे इस्रायलला जखमी करण्यात त्याचा महत्त्वाचा रोल होता.
इस्रायलपासून 1000 किलोमीटर लांब अंतरावर पश्चिम इराणमध्ये प्रवास करत असताना बेहनाम शाहरियारीला संपवण्यात आलं. शाहरियारीला एअर स्ट्राइकमध्ये संपवण्यात आलं. त्याचा व्हिडिओ देखील समोर आलाय. इराण समर्थित दहशतवादी संघटनांच्या नेटवर्कसाठी हा एक मोठा धक्का आहे. विविध दहशतवादी संघटनांना पैसा पुरवण्याची जबाबदारी सुद्धा त्याच्यावर होती. या दहशतवादी संघटनांना पैसा आणि शस्त्र देऊन उभं करण्यात त्याचा महत्त्वाचा रोल होता.
🔴ELIMINATED: Behnam Shahriyari, commander of the Quds Force’s Weapons Transfer Unit in the IRGC, was eliminated in a precise IDF strike in western Iran.
Shahriyari was responsible for all weapons transfers from the Iranian regime to its proxies across the Middle East in order… pic.twitter.com/O9nEjuauuW
— Israel Defense Forces (@IDF) June 21, 2025
IRGC च्या युनिट 190 चा हेड
बेहनाम शाहरियारी IRGC च्या युनिट 190 चा हेड होता. हेझबोल्लाह, हमास आणि येमेनच्या हाऊथीला अत्याधुनिक घातक शस्त्रांचा पुरवठा करण्यात त्याची महत्त्वाची भूमिका होती. इराणच्या कोम शहरात स्वतंत्र एअर स्ट्राइकमध्ये सईद इझादी मारला गेला. इझादी इराणच्या कोम शहरात सेफ हाऊसमध्ये मारला गेला. इराणच्या गुप्तचर यंत्रणा त्याच्या मागावर होत्या. त्यांच्या अथक प्रयत्नांमुळे त्याची अचूक माहिती मिळाली. हमासने 7 ऑक्टोंबर 2023 रोजी इस्रायलवर जो क्रूर हल्ला केला, त्यामागे त्याची सुद्धा महत्त्वाची भूमिका होती. इराण इस्रायलमध्ये फक्त हल्ले करतोय. त्यात इमारती जमीनदोस्त होत आहेत. पण त्यांना इस्रायलच्या कुठल्या महत्त्वाच्या अधिकाऱ्याला मारण जमलेलं नाही. दुसऱ्याबाजूला इस्रायल एकएक करुन इराणच्या टॉप कमांडर्सचा खात्मा करत आहे.
