किंग चार्ल्स यांना पत्नी डायनाचा हेवा वाटायचा का? ब्रिटनच्या राजाशी संबंधित वादग्रस्त किस्सा जाणून घ्या

असे म्हटले जाते की, किंग चार्ल्स यांना आपली पत्नी दिवंगत डायना यांचा हेवा वाटायचा. लग्नानंतर 1983 मध्ये प्रिन्स चार्ल्स ऑस्ट्रेलियाला गेले तेव्हा स्वागतासाठी प्रचंड गर्दी जमली होती. यावेळी लोकांच्या नजरा प्रिन्स चार्ल्स ऐवजी प्रिन्सेस डायना यांच्यावर होत्या, लोक त्यांच्याशी हस्तांदोलन करण्यास उत्सुक होते. चार्ल्स यांच्या एका नातेवाईकाच्या म्हणण्यानुसार, त्यांच्या पत्नीच्या लोकप्रियतेमुळे प्रिन्स चार्ल्स दुखावले गेले होते. डायना यांनीही बीबीसीला दिलेल्या मुलाखतीत ही माहिती दिली.

प्रिन्स चार्ल्स हे राणीचा थोरला मुलगा असल्याने वयाच्या पाचव्या वर्षी सिंहासनाचे वारसदार बनले. चार्ल्सचा जन्म झाला तेव्हा ते शारीरिकदृष्ट्या कमकुवत होते. यामुळे त्यांचे आई-वडील खूप निराश झाले. आपला मुलगा मतिमंद आहे, असे त्यांना वाटले. खेळातही ते काही खास नव्हते.

राजघराण्यातील सदस्यांना ब्रिटिश सैन्यात सेवा करणे आवश्यक आहे. यामुळे चार्ल्स आपले वडील प्रिन्स फिलिप यांच्या सांगण्यावरून रॉयल नेव्हीमध्ये दाखल झाला, परंतु तेथील खराब कामगिरीमुळे ते तेथे राहू शकले नाही. त्याबद्दल त्यांना शिवीगाळही करण्यात आली होती. त्यानंतर अवघ्या 3 महिन्यांत त्यांनी नौदल सोडले. चार्ल्स जिथे जातात तिथे टॉयलेट सीटचं कव्हर ते नक्की सोबत घेता असं म्हटलं जातं, त्यामुळे निघताना त्यांच्या सहकाऱ्यांनी त्यांच्या गळ्यात टॉयलेट सीट घातली.

असे म्हटले जाते की राजकुमारी डायनाशी लग्न करण्यापूर्वी चार्ल्स कॅमिला नावाच्या विवाहित महिलेच्या प्रेमात पडले होते. याबद्दल ते आपल्या वडिलांपेक्षा भारताचे शेवटचे व्हाईसरॉय लॉर्ड माऊंटबॅटन यांच्याशी जास्त बोलत असत. चार्ल्स यांची कॅमिला यांच्याशी पहिली भेट 1972 मध्ये झाली. परिस्थिती अशी आहे की कॅमिला आणि चार्ल्स यांचे अफेअर त्यांच्या लग्नानंतरही कायम आहे. यानंतर चार्ल्स यांचे सारा स्पेन्सरसोबतही अफेअर होते, ज्यामुळे त्यांची प्रिन्सेस डायनाशी भेट झाली. सारा डायनाची मोठी बहीण होती. 1977 मध्ये डायना 16 वर्षांची असताना तिची चार्ल्सशी भेट झाली.

डायना आणि चार्ल्स यांचा विवाह 1981 मध्ये झाला होता. डायना तेव्हा 20 वर्षांची होती, तर चार्ल्स 32 वर्षांचे होते. डायनाशी लग्न झाल्यानंतर अनेक वर्षांनी चार्ल्स यांनी एका पत्रात लिहिलं होतं की, लग्नाच्या रात्री ते रडले होते. डायनाशी लग्न करणे हा राजघराण्यासाठी आणि आपल्या देशासाठी योग्य निर्णय होता, असे त्यांना वाटत होते. मात्र, हे नातं फार काळ टिकू शकलं नाही. प्रिन्सेस डायना यांना चार्ल्स आणि कॅमिला यांच्या अफेअरची माहिती मिळाली होती.