सोने आणि चांदीबद्दल चीनची अत्यंत मोठी घोषणा, एका रात्रीत बदलला थेट निर्णय, भारतीय…

गेल्या काही महिन्यांपासून सोने आणि चांदीच्या किंमतीत मोठी वाढ होत आहे. दीड लाखांच्या पुढे सोने काही दिवसांपूर्वीच गेले होते. लाखभरापुढे सोन्याचे भाव आहेत. आंतरराष्ट्रीय मार्केटमध्ये सोन्याचे भाव अस्थिर आहेत. आता लग्नीनसराई असतानाही सोन्याचे भाव काही कमी होत नाहीत. त्यामध्येच आता सोने आणि चांदीच्या व्यापारातील गुंतवणुकीदारांसाठी मोठी बातमी आहे. शांघाय गोल्ड एक्सचेंजने सोने-चांदीच्या करारांमध्ये मार्जिन आणि दैनिक किंमत मर्यादा कमी करण्याचा मोठा निर्णय घेतला. सोने आणि चांदीच्या नियमात एका रात्रीत मोठा निर्णय घेण्यात आला. एक्सचेंजने पुष्टी केली की त्यांनी सोने आणि चांदीच्या करारांचे नियमन करणारे काही नियम शिथिल केले आहेत. यामागील कारण म्हणजे व्यापार क्रियाकलापांना चालना देणे, बाजारातील रोख प्रवाह वाढवणे आणि त्याचबरोबर किंमतींच्या जलद हालचालींवर नियंत्रण ठेवणे आहे.

आंतरराष्ट्रीय सोने आणि चांदीच्या किंमतींमध्ये सतत अस्थिरता दिसून आली. तज्ञांचे म्हणणे आहे की, या अस्थिरतेला एक उपाय म्हणून एक्सचेंजने संतुलित दृष्टिकोन स्वीकारला आहे. शांघाय गोल्ड एक्सचेंजच्या सूचनेनुसार, सोने चांदीच्या करारांसाठी मार्जिन आणि किंमत हालचाली मर्यादा कमी करण्यात आल्या आहेत. सोने करारांसाठी मार्जिनची आवश्यकता 21 टक्क्याहून 18 टक्क्यांपर्यंत कमी करण्यात आली आहे. थोडक्यात सांगायचे झाले तर व्यापाऱ्यांना पूर्वीपेक्षा कमी रक्कम आता जमा करावी लागणार आहे.

सोन्याच्या किंमतीतील चढउतारांचा दैनंदिन पट्टा 20 टक्क्याहून 17 टक्क्यांपर्यंत कमी करण्यात आला आहे.  विश्लेषकांचा असा विश्वास आहे की, या सवलतींमुळे चांदीचा व्यापार अधिक होऊ शकतो. लहान आणि मध्यम आकाराच्या गुंतवणूकदारांसाठी ज्यांना आता सहभाग अधिक सुलभ वाटू शकतो.

थोडक्यात सांगायचे झाले तर मार्जिन कमी केल्याने ट्रेडिंग सुरू करण्यासाठी आवश्यक असलेले सुरूवातीचे भांडवल कमी होते. ज्यामुळे व्यवहारांच्या प्रमाणात वाढ होते आणि व्यवहार वाढतात. ज्यामुळे गुंतवणूकदारांना खरेदी आणि विक्री करणे सोपे होते. एका रात्रीत हे बदल करण्यात आली आहेत. आता या परिणाम नक्की काय होतो हे देखील पाहण्यासारखे ठरणार आहे.