समुद्रात चीनचा मोठा खेळ, मोठी खळबळ, जग थक्क, थेट चीनच्या दिशेने..
इराण आणि अमेरिका युद्धातमुळे जग जैरीस आले. त्यामध्येच अमेरिकेकडून इराणच्या होर्मुज खाडीत नाकेबंदी करण्यात आली. या युद्धात सातत्याने चीनवर आरोप केले जात आहेत. नुकताच चीनने मोठा दणका अमेरिकेला दिला.
इराणच्या होर्मुज खाडीत अमेरिकेकडून नाकेबंदी करण्यात आली. अमेरिकेच्या या पावलामुळे परिस्थिती अधिक चिघळण्याची दाट शक्यता आहे. अमेरिकेच्या नाकेबंदीमुळे इराणच्या अर्थव्यवस्थेला धक्का बसत आहे. कोट्यावधीचे नुकसान इराणचे होत आहे. यापूर्वीच या मुद्द्यावर अमेरिकेला चीनने फटकारले. डोनाल्ड ट्रम्प यांनी इराणी बंदरातून जाणाऱ्या जहाजांवर पाळत ठेवली आहे. अमेरिकेने धोकादायक शस्त्रांनी सुसज्ज असलेल्या 15 युद्धनौका तैनात केल्या आहेत. यामुळे होर्मुज खाडीत स्थिती अधिक भयानक होताना दिसत आहे. अमेरिकेने उचललेल्या या पावलानंतर इराणही शांत बसणार नसल्याचे स्पष्ट आहे. होर्मुजमधून होणाऱ्या तेल आणि वायूच्या वाहतुकीसंदर्भातील संकट अधिक वाढत आहे. अगोदरच होर्मुज खाडी बंद असल्याने जग जैरीस आले. त्यामध्ये होर्मुजच्या जवळ अमेरिकेने नाकेबंदी केली. गेल्या कित्येक दिवसांपासून होर्मुज खाडी खुली करण्याकरिता अमेरिकेकडून प्रयत्न केली जात आहेत. मात्र, त्यांना यश मिळत नाही. त्यानंतर आता त्यांनी थेट नाकेबंदी करण्यात आली.
नुकताच आलेल्या रिपोर्टनुसार, अमेरिकेने नाकेबंदी केलेली असतानाही समुद्रात मोठा गेम चीनने केला. माहितीनुसार, अमेरिकेने निर्बंध लादलेला एक चिनी टँकर अमेरिकेच्या नाकेबंदीला न जुमानता होर्मुज खाडी पार करून चीनच्या दिशेने रवाना झाले. शिपिंग डेटाच्या माहितीनुसार, अमेरिकेने निर्बंध लावलेले असताना एका चिनी टँकरने मंगळवारी होर्मुज खाडी पार केली.
अमेरिकेने लावलेली नाकेबंदी धुडकावून या जहाजाने होर्मुज खाडी पार केली. अमेरिकेच्या नाकावर टिच्चून होर्मुज खाडी पार करणाऱ्या जहाजाचे नाव रिच स्टारी आहे. अमेरिकेच्या नाकेबंदीनंतर होर्मुज खाडी पार करणारे हे पहिले जहाज आहे. चीनने जगाला पुन्हा एकदा आपली शक्ती दाखवली. इराणसोबत व्यापार केल्याबद्दल अमेरिकेने या टँकरवर आणि त्याची मालक कंपनी असलेल्या शांघाय शुआनरून शिपिंग कंपनीवर निर्बंध घातले आहेत.
जहाजावर निर्बंध असतानाही जहाजाने थेट होर्मुज खाडी पार केली. या युद्धात अमेरिकेचे हे सर्वात मोठे अपयश म्हणावे लागणार आहे. मिळालेल्या माहितीनुसार, रिच स्टारी जहाज मध्यम पल्ल्याचे मोठे जहाज आहे. या जहाजात 2,50,000 मिथेनॉल आहे. या जहाजावर चिनी कर्मचारी आहेत. एलएसईजीच्या माहितीनुसार, अमेरिकेने निर्बंध घातलेले आणखी एक जहाज मुरलिकिशन हे देखील मंगळवारी होर्मुझच्या सामुद्रधुनीच्या दिशेने निघाले.
